🌴 سەرسان روھ 🌴

 ساۋۇت سەدەن (ئانارى)

 ئىزلەيمەن ھىدىڭنى شامالدىن دائىم ، 

 بىر ئۇچۇم تۇپرىقىڭ توتىيا ماڭا .

سولاشقان گۇل كەبى نىمجان ھالىم ، 

ئۇزۇلمەسكە رىشتىم باغلانغان ساڭا .

⏩⏪⏩⏪⏩⏪⏩⏪⏩⏪⏩⏪ 

غوللارغا كېچىك قىپ دەسىگەنتاشلار ، 

گۆھەردەك بىلىندى مېنىڭغا بۇگۇن .

ياش ئىدىم مەن تېغى ئاقاردى باشلار ، 

 قالارمۇ ئارمانلار يىشىلمەي تۇگۇن .

⏩⏪⏩⏪⏩⏪⏩⏪⏩⏪⏩⏪ 

جەننەتتەك باغرىڭنى سېغىندىم شۇنچە ، 

 تۇنجى رەت نەپسىم باشلانغان سەندىن .

  سېنى دەپ نەزمىلەر تىزدىمغۇ قانچە ، 

 باغرىڭدا ئۇلۇشمۇ تاتلىقكەن جاندىن .

 ⏩⏪⏩⏪⏩⏪⏩⏪⏩⏪⏩⏪ 

 جۇدالىق دەردى قىينىدى مېنى ،  

پۇشايمان دارىغا ئېسىلغان روھىم.

 ئاھ يۇرتۇم قوينىڭغا ئالساڭچۇ مېنى ،  

 خىيالىم ئارمىنىم سېنىڭدا دائىم .

 ⏩⏪⏩⏪⏩⏪⏩⏪⏩⏪⏩⏪