ئانام چىرايلىق
تۇرغۇن راخمان (كەمتەر)

ئاناڭ بولغاچ سۆزۈڭ چىرايلىق،
سۆزۈڭ ئەمەس،دىلىڭ چىرايلىق،
كۆز تەگمىسۇن خۇلۇقلىرىڭغا،
ئاناڭ بولغاچ،ھەممە چىرايلىق.

ئاناڭ بولغاچ ئۆيۈڭ چىرايلىق،
ئۆيۈڭ ئەمەس،دۇنيا چىرايلىق،
بولغاچ پەقەت مېھرىبان ئاناڭ،
بارچە گۈللەر خوش-خۇي پۇراقلىق.

ئاناڭ بولغاچ ئۆزۈڭ چىرايلىق،
ئۆزۈڭ ئەمەس بالاڭ چىرايلىق،
ئانا دىسەم سۆيۈپ سېنىڭنى
ئانام دىدى بالام چىرايلىق.

بايرىمىغا مۇبارەك ئانا،
قىزىل گۈللەر سۇنىمەن ساڭا،
بارچە ئانا تولسۇن شادلىققا،
ئانام بولغاچ دۇنيا  چىرايلىق .