تەس بولدى
ئابدۇسالام ئابدۇللا بۆرە تېكىن
چىن ئىدىم ھەق سۆزلەپ كەلگەن ئەزەلدىن،
قايىمىغان ئۆزۈم تۇتقان يولدىن ئەمەلدىن.
ئۇدۇن ئالغان غورۇرنى ئەجداد,قەۋمدىن،
نامەرتكە ياندىشىپ كەلمىكىم تەس بولدى.
بەزىلەر دېيىشتى مېنى چاقنىغان ئالتۇن،
بەزىدە تىللىدى”شەيتانسەن,ئازغۇن“.
بۈركۈتمۇ بولدۇم ھەم بەزىدە قۇزغۇن،
ئادەم ئالدىدا ئادەم بولمىقىم تەس بولدى.
دوست دېسەم قويندا يۇشۇرۇن پىچاق،
مېھىر بەرسەم ئايلاندىم قولىدا قونچاق.
يۈرەك لەختە كۆزلەردىن ئاقتى مۇنچاق،
دوستتىن دوستۇمنى تاپمىقىم تەس بولدى.
ئالدىساڭ مىنى ئۇمۇ سىنى قويمىدى ئامان،
باغلانغاچ پۇلغا مۇھەببەت تۇزىدى ھامان.
ئايلاندى سۆيگۈ نەرقى سارغايغان سامان،
دۇنيادىن چىن سۆيگۈ سەزمىگىم تەس بولدى.
كۈلكەم كەينىدە يۇشۇرنغان ئاچچىق يىغا،
قولۇمنى تۇتۇپ ماڭغانلار باشلار تىك قىيا.
يۈركۈم قان يېغ لاپ ئۆزۈمگە قىلىدۇ نىدا،
ساختا دۇنيادا ئېچىلىپ كۈلمىكىم تەس بولدى.
2016.12.26 تۈزۈتىلدى
48 قېتىم كۆرۈلدى | abdu4745 | ئەسەر يوللىغۇچى : | |
2016-12-27 3:31:38 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|