ئەتىگە تۇتاشقان يول

   ئەكبەرئىدرىس ئەرچىن

ئەتىگە تۇتاشقان شۇ سېرلىق يولدا ،
بىخۇدلار قاپقانغا چۈشۈپ كىتىدۇ .
جۇدۇنى دەھشەتلىك ئۇشبۇ دۇنيانىڭ ،
تالاي گۈل ئىچىلماي ئۈشۈپ كىتىدۇ .

ئەتىگە تۇتاشقان شۇ گۈزەل يولدا ،
قۇپقۇرۇق بوتۇلكا ئۆرە قالىدۇ .
ئىت بولساڭ كىتىسەن ئەگىشىپ ياتقا ،
ئورماندا شاھ بولۇپ بۆرە قالىدۇ .

ئەتىگە تۇتاشقان تىلسىم شۇ يولدا ،
كەل كەل دەپ شەيتانلار ناغرا چالىدۇ .
ئۆزلىرى ئاق ناننى يەيدۇ خۇمسىلار ،
گوللاپ ئاغزىڭغا زاغرا سالىدۇ .

ئەتىگە تۇتاشقان شۇ قىسقا يولدا ،
ئۆگۈنگە بارالماي ئەمەت قالىدۇ .
ئۇسىدۇ قاچىغا پۇشايماننى لىق ،
قىيالماي ئەمەتكە سەمەت قالىدۇ .

ئەتىگە تۇتاشقان  شۇ خائىن يولدا ،
ئاتىغا كۆيمىگەن بالا قالىدۇ .
ئانىنى يىغلاتقان باتۇر شۇ يىگىت ،
قەلبى جەڭگاھسىز يارا قالىدۇ .

ئەتىگە تۇتاشقان خىرسلىق يولدا ،
شەرەپ بوپ تارىختا ئۆملۈك قالىدۇ .
توزغاقتەك  توزۇيمىز ئۇچساقمۇ كۆكتە ،
ھامان بىزلەرگە دۆتلۈك قالىدۇ .

ئەتىگە تۇتاشقان ھىكمەتلىك يولدا ،
ئەۋلادقا يا ئېسل كىتاپ قالىدۇ .
ئىلىم سۆيگەنننىڭ مۇرادى ھاسىل ،
بىزدىن يا ئاقىل بىتاپ قالىدۇ .

ئەتىگە تۇتاشقان يالىڭاچ يولدا ،
ئىنسان پۇل مالدىن قۇرۇق قالىدۇ .
ئىچىدۇ بىر كۈنى سىنى  ياد ئىتىپ ،
سەن قازغان ئاشۇ قۇدۇق قالىدۇ .

ئەتە تاڭ ئاتسا تەلىيىڭ بەختىڭ ،
نۇر  بوپ ياشىساڭ يورۇق قالىدۇ .
كىم ئىيتالىغان كىم كىتىدۇ دەپ ،
ئۇ سەل سىمىزرەك ئورۇق قالىدۇ .....

2016.يىلى 23.ئۆكتەبىر كۈيتۈن