چۈش كىچىسى


ئابدۇۋەلى ئابدۇغېنى


خىيالىمنى ئېلىپ ئىلكىڭگە،
ئىسكەنجىگە ئالدىڭ كۆيدۈرۈپ .
نەزىرىڭگە چۈشسەم غېرىپتەك،
قۇيارسەنمۇ چۆلدە ئۆڭدۈرۈپ.


كىتىپ قالسام باشقا ئالەمگە،
گەر ئەزرائىل جېنىمنى سۈيلەپ .
ئۈندىداردىن  ئىلغاپ خېتىمنى ،
سالارسەنمۇ تۇيۇقسىز ئۈنلەپ.


خېنىم - ئېيىتقان ناخشاڭ يېقىملىق،
مەن يادلاشقا نىسىپ بۇلمىدى .
يۈرۈگۈملا بولسۇن سوغىتىم،
چۈشۈم تۈگەل ساڭا تويمىدى.


ئۆتكۈدەكمەن تەلمۈرۈپ ساڭا ،
شىرىن جانغا سېلىپ زۇلۇمنى.
تالاي كىچە سەنسىز قۇپ-قۇرۇق ،
يەتكۈزەلمەي ساڭا قۇلۇمنى.

بەكمۇ ئۇزۇن بولدى بۇ كىچە،
سېغىنىشنىڭ چېكى چەكسىزمۇ؟
ھېجرانىڭدا كۆيدۈم گۈرۈلدەپ ،
ياشاپ يۈردۈم گۈلۈم سەنسىزمۇ.
2017.5.21 كېرىيە

     

 مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589