ساۋاقداش
نۇرمۇھەممەت مۇسا
"مەكتەپ "دىگەن گۈلزارلىقتا" بىلىم "دىگەن گۈل ئۈزگەن،
ئىلىم -ئېرپان دېڭىزىدىن گۈھەرلەرنى تەڭ سۈزگەن.
ئەجدات ئىزىنى بېسىپ، ئۈشبۇ جايدا سەپ تۈزگەن،
مىھرى ئاتەش ساپ دىللىق ، چىھرى ئىللىق ساۋاقداش .
ئونبەش ئوغۇل ئونبەش قىز ، ئوتتۇز ئىدۇق بىر سىنىپ ،
چاڭقىغان شۇ دىللارغا شەربەت ئىچكەن بىز قېنىپ.
كەتكەن ئىكەن ئالتۇن ۋاخ ، قايتىپ كەلمەسكەن يېنىپ،
قايدا بولساڭ ئامان بول سەككىز يىللىق ساۋاقداش.
ھەر ساھەگە ،ھەر يۇرتقا چېچىلىپتۇق ھەممىمىز ،
خۇش پۇراقلىق گۈل بولۇپ ئېچىلىپتۇق ھەممىمىز .
كەم -كۇتىلەردىن خالى يېتىلىپتۇق ئەمدى بىز ،
ئەلدىن تۆھپە ئايىمايلى شېرىن تىللىق ساۋاقداش.
مائارىپ تەرەققى قىلىپ ، ھەممە بولدى قوش تىللىق ،
ئوقۇتقۇچى -ئۇستازمۇ بەك خۇشچىراي ھەم ئىللىق.
ئەۋلاتلارنى تەربىيىلەپ، قىپ چىقايلى پاك دىللىق،
ۋەتەن -خەلق بىزدىنمۇ كۈتەر چىنلىق ساۋاقداش.
2016-6-26
416 قېتىم كۆرۈلدى | نۇرمۇھەممەت مۇسا | ئەسەر يوللىغۇچى : | |
2016-6-27 15:54:23 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|