دۇنيا

( ياسىنجان سەلەيئاخۇن )

 گۇل ئىكەن دەپ قول ئۇزاتسام چىرايلىق گۇلگە ،

تىكەنلەرنى سانجىپ قولغا قاناتتىڭ دۇنيا .

 دوسلىرىم جىق بەزىسى راس بەزىسى تۇلكە ،

 بىر ياخشىغا بىر ياماننى ياراتتىڭ دۇنيا.

 بەش قول كەبى تەڭ ئەمەستۇر سىنىڭ ئىشلىرىڭ ،

 بىرنى گاداي بىرنى باي ياراتتىڭ دۇنيا .

 كۈندە باھار ئەمەسكەن بار ھەم قىشلىرىڭ ،

 بىر كۈلگەنگە بىر يېغا تاراتتىڭ دۇنيا .

بىراۋلارغا بەخىت بىرىپ ئامەتنىمۇ تەڭ ،

 ھەممەيلەننى ھەۋەس بىلەن قاراتتىڭ دۇنيا.

 بىراۋلارغا بىرىپ كۈلپەت ئازاپنىمۇ ھەم ،

 بۇ جاھاننى ھەجەپ تەڭسىز ياراتتىڭ دۇنيا .

 2015 . 08 .13 … ياسىنجان سەلەيئاخۇن