كۆردۈم

مىنەۋەر ئوبۇل ئاتۇش

ئايا دوسلار ئەجەپ پۇچلاندى قەلبىم بىر تەلەت كۆردۈم,

 ئىللىق يۈرەكنى مۇزلاتقان سۆرۈن چىراي پارچە مۇز كۆردۈم.

 يۈرەك تەشنالىغىم قانماي سىنىڭ چىھرىڭگە تەلمۈردۈم,

 ئېغىر خۇرسىندى بۇ يۈرەك ئېچىلماس بىردىدار كۆردۈم.

 خاپا چىراي خۇددى غەش كۆڭلۈڭ مىنىڭ دىلىمنى رەنجىتتى,

 بولۇپ بەزەن يۈرەك لەختە ئۆزۈمنى بىر مىسكىن كۆردۈم.

نە سەۋەپتۈر بىلەلمىدىم ئېچىلمايدۇ زىنھار چىرايىڭ,

 كۆڭۈلنى خۇش قىلىش مەخسەت كۈنۇ تۈندە ئۈندىدار كۆردۈم.

 كىچىلەردە جىمجىتلىق ھەم سۈكۈت باستى ئۆيلەرنى,

 زىرىكىشلىك بۇ تۇرمۇشتا بەزەنلەردە تىلىۋۇزۇر كۆردۈم.

 ئىچىمگە پاتمىغان دەرتلەر دەپتەرگە پاتتى دوسلۇرۇم,

 دەتلىرىمنى قۇرغا تۆكتۈم ياشلىرىمنى قۇردا كۆردۈم.