ئاشىق نىداسى

   ئادىلجان ئابدۇقەييۇم

تارتمىغان دەرت -ئەلەم ،جاپا قالمىدى،
يۈرەكتىن سۆيگەنلەر كەتتى ئالدىدى.
ياراتقان ئىگەم  يا جاننى ئالمىدى ،
ئۇنۇتماق تەس ئىكەن تۇنجى سۆيگۈنى.

يۈرەكتىن سۆيگەنتىم كۆڭۈل بەرمىدى،
ئاي، يىلدا بىرەر رەت ئىزدەپ كەلمىدى .
مەن غېرىپ ئاشىقنى كۆزگە ئىلمىدى،
ئۇنۇتماق تەس ئىكەن تۇنجى سۆيگۈنى.

ياش تۇرۇپ تارتمىغان ئەلەم قالمىدى ،
دۈشمەنگە چاندۇرماي تىنىم يايرىدى.
بۇ كۆڭۈل ۋاز كەچتى ئەمما  تانمىدى ،
ئۇنۇتماق تەس ئىكەن تۇنجى سۆيگۈنى.