ئ‍ۆز ئارا يۇشۇرۇن كۈيۈپتىكەنمىز

نۇربىيە سىدىق (پەرىشتە )قەلىمىدىن 

ئەسلىدە ئۆز ئارا كۈيۈپتىكەنمىز ،
ھاياتنى شۇ قەدەر سۈيۈپتىكەنمىز.
مەيلىمىز بار تۇرۇپ بىر -بىرىمىزگە
دېيىشمەي ، بىلىشمەي يۈرۈپتىكەنمىز .

كۆڭۈلنى ئ‍ۆز ئارا بېرىپتىكەنمىز ،
پاك سۆيگۈ ئوتىدا ئ‍ېرىپتىكەنمىز .
قاردەك ئ‍اق قەلبىگە بىر- بىرىمىزنىڭ ،
مۇھەببەت ئۇرۇقى تېرىپتىكەنمىز .

يارى بار دەپ ئ‍ويلاپ ئ‍ېزىپتىكەنمىز ،
خىيالدا دۇنيانى كېزىپتىكەنمىز .
ئىككىمىز ئ‍ىسمىدىن ئالتۇن ھەل بېرىپ ،
كۈندىلىك خاتىرە يېزىپتىكەنمىز .

ئ‍ۆز ئارا كۆڭلىمىز ئ‍اياپتىكەنمىز ،
ھالال جۈپ بۇلۇشقا ياراپتىكەنمىز.
ئۇزاقتىن بۇيان ھەم بىر -بىرىمىزگە ،
مۇھەببەت كۆزىدە قاراپتىكەنمىز .

ئ‍ۆز ئارا يۈرەككە يېقىپتىكەنمىز ،
سۆيگۈنىڭ سۈيىدە ئ‍ېقىپتىكەنمىز .
ئ‍ۆز ئارا يۇشۇرۇپ بىر - بىرىمىزدىن ،
ئ‍ۆز ئارا ئ‍ۈمۈتلۈك بېقىپتىكەنمىز .

ئ‍ۆز ئارا لاپلارنى ئ‍ېتىپتىكەنمىز ،
ھەممىنى ھەم بىلىپ يېتىپتىكەنمىز .
چاقچاقتىن چىقىشىپ بىر - بىرىمىزنى ،
باشقىلار بىلەن ھەم چېتىپتىكەنمىز .

ئ‍ۆز ئارا شۇ قەدەر كۈنۈپتىكەنمىز ،
سۆيگۈنىڭ گۈلىنى ئ‍ۈزۈپتىكەنمىز .
گۈل بۇلۇپ ھاياتقا بىر بىرىمىزنىڭ ،
خۇشپۇراق تارقىتىپ ئ‍ۈنۈپتىكەنمىز .

ياتلاردىن شۇ قەدەر كۈنلەپتىكەنمىز ،
كېچىسى ئ‍ازاپتىن تۈنەپتىكەنمىز ،
قانداق گەپ ئېچىشنى بىر بىرىمىزگە ،
بىلەلمەي تەمتىرەپ - تىنەپتىكەنمىز .

ئ‍ۆز ئارا يۈرەكنى تىلىپتىكەنمىز ،
قەلىپكە قۇلۇپلار سىلىپتىكەنمىز .
ھازىر مەن ئ‍ويلىسام مانا مۇشۇنداق ،
بۇلۇشنى بۇرۇنلا بىلىپتىكەنمىز .

2016 - يىلى  9 - نويابىر