كەتسەڭمۇ
         ھوشۇر ئ‍امىرجان ئ‍اتەشى تاجىك

يىنىپ -ئ‍ۆچكەن چىراقسەن گەر يېنىمدىن  كەتسەڭمۇ ،
تەمى ئ‍اچچىق ھاراقسەن گەر يېنىمدىن  كەتسەڭمۇ .

سېنى مەندەك باغرىغا باسمايدۇ يات -يارەنلەر ،
كۈڭۈل تۆرىدىن  يىراقسەن گەر يىنىمدىن  كەتسەڭمۇ .

بەخت كەلدى دەپ شاتلانما ، مىنگەن بىلەن تۇلپارغا ،
ئ‍ۆزگىلەرگە ئ‍ۇلاغسەن گەر يېنىمدىن كەتسەڭمۇ  .

مۇشۇ دېمە گۈزەللىك  قاش -كۆزۈڭنى بويغاندا ،
تىگى -تەكتىن ئ‍ۇماقسەن  گەر يىنىمدىن  كەتسەڭمۇ .

شاماللارنىڭ ئ‍ەۋجىگە دۈم چۈشسەڭمۇ بەرىبىر ،
"بىر ئ‍ىگىسىز تايچاقسەن " گەر يىنىمدىن  كەتسەڭمۇ .

خوپ بولدى دەپ  كىرىلمە  ئ‍ازابىڭنى چەكسەم گاھ ،
بىلسەڭ پەمسىز شالاقسەن گەر يىنىمدىن  كەتسەڭمۇ .

يۇرگىنىڭدە مەن بىلەن  ناز -كەرەشمەڭ بەك ئ‍ىدى ،
ئ‍ەمدى يايرىم قانداقسەن ؟   گەر يىنىمدىن  كەتسەڭمۇ .

پەرۋايىمغا كەلمەيدۇ . يا ، غېمىڭنى يىمەيمەن ،
يولۇمدىكى تۇزاقسەن گەر يېنىمدىن كەتسەڭمۇ  .

دەريا ئ‍ىزدەپ يۇرمىگىن ئ‍اۋارە بوپ چۆللەردە ،
ئ‍ەبەددىگە  چاڭقاقسەن گەر يىنىمدىن  كەتسەڭمۇ .

شۇنداق كۈنلەر كىلىدۇ سەنمۇ ۋايجان دەيدىغان ،
چىكىپ قايغۇ -پىراقسەن گەر يىنىمدىن  كەتسەڭمۇ .

نىسى قالماس مۇھەببەت قەرزى بۇغار  گىلىڭنى ،
بولۇپ خەققە ئاخماقسەن  گەر يېنىمدىن كەتسەڭمۇ  .

قۇياش چىقسا ئ‍ۆچۈرمە مەشتە يېنىق ئ‍ۇتۇڭنى ،
ئ‍ىرىپ بولماس توڭغاقسەن  گەر يىنىمدىن  كەتسەڭمۇ .

ھايالىق مەن دەپ قالما ياپقان بىلەن يۈزۈڭنى ،
نى ۋاق  سۇلغان  ياپراقسەن گەر يىنىمدىن  كەتسەڭمۇ .

يۇرگەن بىلەن بۈزۈڭگە لىق تۇلدۇرۇپ كۆكسۈڭنى ،
قىز ئ‍ەمەس" قىز ئ‍اتاقسەن  "  گەر يىنىمدىن  كەتسەڭمۇ .