كۈلدۈرۈپ ياشايمەن ئاتا-ئانامنى
دىليار
كۈلدۈرۈپ ياشايمەن ئاتا-ئانامنى،
ھىممەتلىك كۆڭلۈمنى قىلىپ بەخشەندە.
تۇتىمەن بەختنى گۈل قىلىپ ھەرچاغ،
قىلمايمەن يۈرىكىن ئەلدە دەپسەندە.
كۈلدۈرۈپ ياشايمەن ئاتا-ئانامنى،
يامانلىق سۈيىدە بۇلغانماي پەقەت.
يۈرىكىم ساز بولار،ئىمانىم تەڭكەش،
مۇھەببەت كۈيىدە كۈيلەيمەن ئەبەد.
كۈلدۈرۈپ ياشايمەن ئاتا-ئانامنى،
چارچىغان ئۆمرىدە بېشىمغا ئېلىپ.
قىلمايمەن بىراۋنىڭ ئالدىدا ھېچ خار،
ئاقارغان چاچلىرىنى تۇتىيا بىلىپ.
كۈلدۈرۈپ ياشايمەن ئاتا-ئانامنى،
ھاياتىم بېغىغا گۈللەرنى تەرگەچ.
ھاياتلىق مەشئىلىم ئۇلارسىز يانماس،
خەس بولغان چېغىمدا ئۈمىدلەر بەرگەچ.
كۈلدۈرۈپ ياشايمەن ئاتا-ئانامنى،
ئۇلارسىز بۇ ئۆمۈر مەنىسىز سەپەر.
ئىزدەيمەن ئۇلارچۈن بەخت كانىنى،
دۇئالەر قىلىپ ھەر كىچەيۇ سەھەر.
كۈلدۈرۈپ ياشايمەن ئاتا-ئانامنى،
ئېھتىرام سۈيىدە سۇغۇرۇپ ھەردەم.
يۈرسەم گەر ۋاپاسىز نامىنى ئېلىپ،
قالارمەن لەنەتكە ئۇچراپ بىگۇمان.
كۈلدۈرۈپ ياشايمەن ئاتا-ئانامنى،
بۇ سۆزۈم بولسۇنكى مۇقەددەس ئەھدەم.
ئېچىلسا مەن سەۋەپ ئۇلارنىڭ گۈلى،
شۇندىلا ئېچىلغاي ئۆمۈرلۈك بەختىم.
83 قېتىم كۆرۈلدى | dilyar | ئەسەر يوللىغۇچى : | |
2016-10-9 0:26:09 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|