يۈرۈكۈمدە ئازاپلىق قان-ياش

ئابلىمىت ئوسمان (مەرىپەت ئوغلى)

ئەسلىمەي دىسەممۇ قەلبىمنى باغلاپ،

 ھەر ۋاقىت ھەمرا سەن خىياللىرىمغا.

ئىشقىڭدا يۈرۈكۈم ياندى چوغ بولۇپ ،

 ھىچ ئىچىڭ ئاغرىماس ئاجىز جېنىمغا .

مەڭگۈگە ئۈزۈلمەس بىزنىڭ رىشتىمىز ،

 دىگەن شۇ شېرىن سۆز ، ۋەدىلەر يالغان.

كەتسەڭمۇ سەن مىنى ئازاپقا تاشلاپ.

قەلبىمدە سەن بولغان ئۆچمەس ئىز قالغان.

سېغىنسام ئاھىمنى تېڭشار ئەمدى كىم ،

 ھەسرىتىم-ئازابىم سىغماس يۈرەككە .

ۋۇجۇدۇم ئۆرتىنەر چۈشكەندە كۆزۈم.

بىز بىرگە قول تۇتۇپ چۈشكەن سۈرەتكە.

سەن تۇتقان نەرسىلەر، بەرگەن سوۋغىتىڭ.

دەردىمگە، زارىمغا بولىدۇ مۇڭداش.

مەڭگۈگە ئۇنتۇلماس ئەسلىمە بىرىپ.

قالدۇردۇڭ يۈرەكتە ئازاپلىق قان-ياش .