ئۆتۈپ كېتىدۇ
تۇرغۇن راخمان (كەمتەر)
بۇ كۈنلەرمۇ ئۆتۈپ كېتىدۇ،دەرتنى بىرگە ئېلىپ كېتىدۇ،
قىلما ھەرگىز كۆڭلۈڭ پەرىشان،گۈزەل كۈنلەر ھامان كېلىدۇ،
جەۋرى-جاپا ئىنسانغا ھەمراھ،چىدىغىنسەن ئۆتۈپ كېتىدۇ،
ئەگرى-توقاي بولمىسا تۇرمۇش،بەخت سىزگە نەدىن كېلىدۇ.
ھايات شۇنداق مۈشكۈل سەپەردۇر،تېتىپ باققان كىشى بىلىدۇ،
كۆنەلمىساڭ قىيناشلىرىغا،يۈرىكىڭنى ئىزىپ كېتىدۇ،
قىينالساڭمۇ چىدا ئۇنىڭغا،جۇدۇن كېتىپ،باھار كېلىدۇ،
كۈنلەرئۇزۇن كۈلۈپ ياشىغىن،دىللىرىڭدىن كۈيلەر چىقىدۇ.
پىشاينەڭگە بەخىت قونغاندا،دوستلىرىڭىز ئۇچۇپ كېلىدۇ،
نە بىلەلمەي كۈيلەشلىرىنى،يەر جاھانغا پاتماي كېتىدۇ،
گۈللىرىڭنى قىستۇراي مەن دەپ،ئاياغ كىيمەي يۈگرەپ كېلىدۇ،
ھايات دېگەن مانا مۇشۇنداق،دەرتلەر كېتىپ،رەڭلەر كېلىدۇ.
بىلەلمىسەڭ ئۆزۈڭنى گاھى،دوسلۇرۇڭمۇ تاشلاپ كىتىدۇ،
قەدىرلىگىن ئۆزۈڭنى ھەر چاغ،ھايات شۇنداق چىكىپ كىتىدۇ،
گۈل سۇنمىساڭ ئاتا-ئاناڭغا،ۋاپادارلىق نەدىن كىلىدۇ،
قول ئۇزاتما كىشى رېسقىغا،ھەممە كىشى بىلىپ تۇرىدۇ.
دەرتلەر شۇنداق چىكىپ كىلىدۇ،ئەقلى بارلار چوقۇم بىلىدۇ،
يامانلىقنى ئويلىما ھەرگىز،ئۆزىڭىزگە يېنىپ كېلىدۇ،
سۆزۈم بار سۆزلەپ يۈرمىگىن،ھەممە كىشى بۇنى بىلىدۇ،
ئالدىمىغىن دوستۇڭنى ھەرگىز،دۈشمەنلىرىڭ كۈلۈپ كىتىدۇ.
68 قېتىم كۆرۈلدى | تۇرغۇن راخمان (كەمتەر) | ئەسەر يوللىغۇچى : | |
2017-4-2 0:07:05 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|