ئەقىل تاپقىن قىز

مۆتىۋەر ئەخمەت

 قىز قىلىپ ياراتتى سىنى ئىگىسى ،

كۈلدى بارچە كائىنات ھەم ئاتا- ئانا .

نە ئۈچۈن كۆڭۈلنىڭ كەينىگە كىرىپ ،

 قارايۈز بولدۇڭ ھەم قىلدىڭ چوڭ گۇناھ .

 پۇل ئۈچۈن ياشىدىڭ سېتىپ ۋىجداننى ،

 پۇل ئۈچۈن ئايانماي ھەتتا قېنىڭنى .

 ئاقىۋەت ئويلىماي كېيىنلىكىڭنى ،

ساتتىڭغۇ قىممەتلىك ئاشۇ تېنىڭنى .

 ئاتاڭ بىلمەيدۇ قىلغانلىرىڭنى ،

ئاناڭ ئويلايدۇ سېنىڭ بەختىڭنى ،

 بىلىپ بىلمەي شۇ ماڭغان خاتا يوللىرىڭ ،

يوقاتتى سەندىكى تاجۇ - تەخىتنى .

 ئەقلىڭنى تاپساڭچۇ ئەي گۈزەل قىزچاق ،

كەلگۈسى كۈلمەكتە ساڭا خۇش بېقىپ .

 قارىما كەينىڭگە ئۇنۇت ئۆتمۈشنى ،

بەختىڭ كېلەر ھامان ئىشىكىڭ قېقىپ .