يىراق قىرلاردىن ئانا يەرگە سالام يوللايمەن
كېچە-كېچە چۈشلۈرۈمدە كېزىپ چىقىمەن ،
تاغۇ-دەريا ، باغلىرىنى سىزىپ چىقىمەن ،
تاتلىق- تۈرۈم ،تائاملارنى تېتىپ چىقىمەن ،
ئىلى خەلىق ناخشىسىنى ئېيتىپ چىقىمەن ،
يىراق قىردىن ئانا يەرگە سالام يوللايمەن.
بوسۇق ئاتلاپ چىققىنىمغا پۇشايمىنىم بار،
بولماقتىمەن ئۆزگە يۇرتتا خازان كەبى خار،
يۇرت ۋەسلىدە بولماقتىمەن ئاشىق كەبى زار،
سەنسىز شۇنچە كەڭرى جاھان يەنە ماڭا تار،
يىراق قىردىن ئانا يەرگە سالام يوللايمەن.
نېمە كۈچكىن بىزنى ياقا يۇرتقا باشلىغان،
پىرقىرىتىپ بۇ چەت يەرگە چېچىپ تاشلىغان ،
سېغىنىشلىق تىنچ كۆلگە چالما تاشلىغان،
يۇرتنى ئەسلەپ شۇ ھەسرەتتە كۆزنى ياشلىغان،
يىراق قىردىن ئانا يەرگە سالام يوللايمەن.
كۈتمەكتىمەن كانىكولنى تۆت كۈزۈم بىلەن ،
قانداق ئېيتاي پىغانىمنى بۇ سۇزۇم بىلەن،
تاشلاپ كېتىپ يەنە كەلسەم بۇ يۈزۈم بىلەن،
شۇ ئازاپتا دۈشمەن بولدۇم ئۆز-ئۆزۈم بىلەن،
يىراق قىردىن ئانا يەرگە سالام يوللايمەن.
زۇمرەت سۇدەك تامچىپ ياغقان يامغۇرلىرىڭنى،
سۈتتەك سۈزۈك لەپ-لەپ چۈشكەن ئاق قارلىرىڭنى ،
ئۇلۇغ ئاققان ئىلى دەريا دولقۇنلىرىڭنى،
سۈرتمەك بولدۇم جۈپ كۆزۈمگە تۇپراقلىرىڭنى،
يىراق قىردىن ئانا يەرگە سالام يوللايمەن.
ئۈمۈد ئابلىكىم
2014. 27.نويابىر نەنچاڭ
62 قېتىم كۆرۈلدى | umut_1116 | ئەسەر يوللىغۇچى : | |
2016-9-28 10:10:42 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|