دادىسىز ياشىماق ئەجەپ تەس ئىكەن
ئەسقەر قۇربان ئىقبال

يۈرۈكۈم سىقىلدى ئەجەب مۇڭ باستى،
ئازاپتىن كۆزيېشىم سەل بولۇپ ئاقتى.
شۇئىللىق ئۆيۈمنى غېرىپلىق  باستى ،
دادىسىز ياشىماق ئەجەپ تەس ئىكەن .

دادا دەپ چاقىرسام يەتمەيدۇ ئۈنۈم ،
سېغىنىش ئىچىدە ئۆتەر ھەركۈنۈم.
بەئەينى زىمىستان سېنىڭسىز  ئۆيۈم ،
دادىسىز ياشىماق ئەجەپ تەس ئىكەن .

ئاھ! تەقدىر قىسمىتى ئايرىدى سەندىن ،
ھەرقاچان ئېغىر يۈك باسار يەلكەمدىن.
يۈرۈكۈم ئۆرتىنەر ئاچچىق ئەلەمدىن ،
دادىسىز ياشىماق ئەجەپ تەس ئىكەن .

بۇنداقلا كېتەر دەپ ئويلىماپتىمەن ،
بىرئۆمۈر مەن بىلەن ئۆتەر دەپتىمەن.
بارىڭدا قەدرىڭگە ھىچ  يەتمەپتىمەن ،
دادىسىز ياشىماق ئەجەپ تەس ئىكەن .

2016.11.29