ئاياللار دېگەن
ئاياللار بايرىمغا بېغىشلايمەن
مەمەتجان سەمەت

دۇنيانىڭ زىننىتى ئاياللار دېگەن،
گۈللەرنىڭ سەرخىلى ئاياللار دېگەن.
ئاياللار بولمىسا نە بولۇر سۆيگۈ،
كۆڭۈلنىڭ جەۋھىرى ئاياللار دېگەن،  
                 
كۆڭلىگە بەرمىگىن پەقەتلا ئازار،  
قەدرىگە يىتىپسەن يىغلاتما زار.زار.
ئايال يوق ئۆيلەردە بولمايدۇ باھار،
ئۆيۈڭنىڭ بەركىتى ئاياللار دېگەن.
               
تاپقاندا مال دۇنيا كەتمىگىن تاشلاپ،
دەردىڭدە يۈرمىسۇن كۆزىنى ياشلاپ.
ئۇنۇتما ھەر دائىم قەلبىڭدە ساقلاپ،
غەلبەڭنىڭ شان شەرپى ئاياللار دېگەن.

بېشىڭغا چۈشسە غەم تەڭ بىللە يەيدۇ،
چۆرگىلەپ يېنىڭدىن ئەسلا كەتمەيدۇ.
ئۇ بولسا چېھرىڭدىن كۈلكە يۈتمەيدۇ،
خۇشاللىق ئەلچىسى ئاياللار دېگەن.

ئېتىپ بەرسە ئوخشۇتۇپ ئېسىل تاماق،
قۇسۇر تېپىپ ھەرگىز تۈرمىگىن قاپاق.
تاشلاپ كەتسە يامانلاپ ئىشڭ چاتاق،
ياقتۇرماس ئەسكىنى ئاياللار دېگەن.

قەدىرلە ھەر ۋاقىت بار كۈچۈڭ بىلەن،  
بەك نازۇك ئۇلارنىڭ گۈل قەلبى دېگەن.
ئاياللار بولغاچقا بۇ ھايات گۈزەل،
ئەركەكلەر لەززىتى ئاياللار دېگەن.

ئاپتورى : مەمەتجان سەمەت
ئۈندىدار : چ چ . 308381500
ئەمگىكىمە ھۆرمەت قىلىڭ نامسىز قىلماڭ