يۇرەك يىغلايدۇ
(نەسىر)
فەرۇق ئۇدۇنى
يۈرەك يىغلايدۇ!!! زىمىستان چايانلىرى بوغقان ھەربىر نەپەسلەرگە، يۈرەك قاينايدۇ!!! بۇلبۇلنىڭ قانىتىنى قىرغان ھەربىر قەپەسلەرگە، يۈرەك پارتلايدۇ!!! ئارسلانلارنىڭ قېنىنى ئىچكەن ھەربىر نائەھلى پەسلەرگە... يانغانىدىڭ... شۇ جەننەت كەبى ۋەتەن ئىشقىدا گۈلخان بولۇپ ، چاقنىغانىدىڭ... بۇ يولدا بىزلەرگە نۇر ئاتا قىلغان چولپان بولۇپ، قەلبىمىزگە ئوت ياققانىدىڭ ... مۇزلىغان قەلبىمىزنى ئىستقان ۋولقان بولۇپ... ئەپسۇس... كۆك ئاسمىنىڭنى قارا بۇلۇتلار قاپلىغانىدى، باھارىڭ كەلمەستىنلا زىمىستان سوغۇق قەدىمىنى تاشلىغانىدى، قارانلىق يىللار سېنىڭ كەبى بىر نۇرلۇق مەشئەلنى ياتلىغانىدى ... كەتتىڭ... ھاياتىڭنىڭ باھارى ۋەسلىگە ھېچ يەتمەستىن، قارانلىق،جۇدۇنلۇق زىمىستاننىڭ ھەيۋېسىگە بوي بەرمەستىن، يورۇق ۋە ئىللىق ئاتقان تاڭنى بىر كۆرەلمەستىن... دېگەنىدىڭ يورغا يىللار ئۆمۈرنىڭ يامان ئوغرىسى، مانا سەن كېتىپ كۆزنى يۇمۇپ ئاچقۇچە يورغا يىلدىن يەتمىشى كېچىپ بولدى... كۈتكەنىدىڭ ئىللىق ۋە پارلاق بولغان بىر كەلگۈسى... بىلمىدىم سەن كۈتكەن شۇ پارلاق كەلگۈسى نەلەردە قالدى... يىللار كەچتى... ئەمما يىللار سېنىڭ كەبى ۋەتەن ئىشقىدا گۈلخان بولۇپ يانغان ، سېنىڭ كەبى ۋەتەن ئىشقىدا ۋولقان بولۇپ پارتلىغان ، سېنىڭ كەبى ۋەتەن ئوتىغا ئۆزىنى ئاتقان بىر ئوت يۈرەك شائىر يېتىشتۈرەلىدىمۇ؟ تىرىشىۋاتىمەن... سېنىڭ كەبى بۇ دىيارنى سۆيۈشكە ، بۇ ماكاننىڭ ئوتلىرىدا كۆيۈپ سۇلىرىدا چۆكۈشكە، بۇ ئىشىقتا كېرەك بولسا جان پىدا قىلىپ ئۆلۈشكە... بىلىمەن ... سەن كەبى بولالمايمەن ... سەن كەبى ئوتلۇق شېئىر يازالمايمەن ... سەن كەبى بۇنچە چوڭقۇر چۆكەلمەيمەن ... ئەمما مەن يەنىلا تىرىشىمەن... چۈنكى بۇ يول سېنىڭ ئىزىڭ... سېنىڭ ئۈمىدىڭ... سېنىڭ بىزدىن كۈتكىنىڭ...
2015.يىل.9. ئاينىڭ 18 .كۈنى
1042 قېتىم كۆرۈلدى | فەرۇق ئۇدۇنى | ئەسەر يوللىغۇچى : | |
2015-9-19 2:35:52 | :يوللانغان ۋاقتى |
2016-12-24 1:18:08 | ئابدىرشت |
ئۇزۇڭ بىلسەن |
2016-7-5 2:01:45 | akbar |
yahxi |
2015-12-14 10:36:36 | mihrigul |
bakla yahxika |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|