دۇنيا (شېئىر) 

 ئامىنە

بىلسە ھايات قەدرىنى چەكسىز گۈزەل بۇ دۇنيا ،
غاپىللارنىڭ كوزىدە غەم تەشۋىشلىك بۇ دۇنيا.
ئىسسىق -سوغاق تەڭشىلىپ ئۆتىدىكەن بۇ دۇنيا ،
سىنايدىكەن ئادەمنى ھەر قىسمەتتە بۇ دۇنيا .

قالسىمۇ گەر ئىنساندىن ياخشى -يامان ئىزنالار،
سىغدۇراركەن ھەممىنى قۇچاق ئېچىپ بۇ دۇنيا .
سېخى ئىكەن ئانىدەك يۆلەنچۈك بوپ بارىگە ،
بارلىقىنى يات كۆرمەي سۆيىدىكەن بۇ دۇنيا .

قايغۇ بىلەن شاتلىقتىن رەڭدار ئىكەن بۇ دۇنيا ،
چەكتىن ئاشسا قىلمىشى يۇتار بوپ قىيان دەريا .
تەڭشەلمىگەن دۇنيادەپ ئەل ئىچىدە قالغان سۆز،
بىلسە گەر تەڭشەگلىك تېگىگە يەتسە بۇ دۇنيا .

چىقسا بۇگۈن شۇم بوران ،قۇياش كۈلەر ئەتىسى ،
تېپىپ يەيدۇ رىسقىنى تىرىشقاننىڭ ھەممىسى .
مەئىشىتى ھەممىگە بارەۋەر چېچىلغۇسى ،
تىرىشقاننىڭ جەننىتى ،گۈلىستانى بۇ دۇنيا .

قاخشاپ زارلاپ ئۆمۈردىن ۋايىم يىسە سەۋەپسىز ،
پەلەك تەقدىر قىسمەتدەپ ئالدايدىكەن بۇ دۇنيا .
قانائەت قىپ ،تىرىشىپ گۈزەل بىلسە دۇنيانى ،
بەھىر بېرىپ بەخىتتىن ئەزىزلەيدۇ بۇ دۇنيا .