ئاسىيلارغا
مەمەتجان باش كارۋان

ئاسىي بولدۇڭ ۋاقىتقا ھەم مۇھەببەتكە،
چىن ئاشىقلارنىڭ يۈزىنى تۆكۈپ قويدۇڭ.
ئول ئاشىقلار سۆيمەس ئىدىلەر يالغاندىن،
ئالدىرىدىڭ ھەۋاغا، ھەۋەسكە كۆندۈڭ.

ئەمدى قايتا سۆيۈشنىمۇ ئويلاشماسمەن،
قايدىن كېلەر دەپ يوللۇرۇڭغا باقماسمەن.
كېتەر يوللۇرۇڭ بولسۇن ئۆلسۇن مۇھەببەت،
سۆيگۈمنى بىر سەتەڭ چىرايىڭغا ساتماسمەن.

چىن ئاشىقلار ياشايدۇ كۈلۈپ شوخ يايراپ،
بەلكىم ئەمەسسەن چىن سۆيۈمنىڭ يار قۇلى.
ئىشىق مۇھتاجلىقى بولغاي سېنىڭ قەبرەڭ،
يار بولسۇن ساڭا ساختا مۇھەببەت يولى.