بوۋامنى ئەسلەپ 

 زۆھرە

 ۋاقىتسىزلا كەتتىڭ دۇنيادىن،
يىنىمىزدىن يوقالدىڭ تىزلا.
"ياتار جايىڭ جەننەت بولسۇن "دەپ ،
ھەر نامازدا قىلىمەن دۇئا.

خوش دىمەيلا كەتتىڭ جان بوۋا،
كۆرەلمىدىم يۈزۈڭنى ئەسلا .
كۆڭلۈم يېرىم رازىلىق ئالماي ،
رازى ئىدىم سېنىڭدىن بەكلا.

سېنى شۇنداق سىغىندىم بوۋا ،
ھىكايەڭنى ئاڭلىغۇم كەلدى.
تەكرار ئاڭلاپ ياد بولۇپ كەتكەن
كونىلىققا ھەم قايتقۇم كەلدى .

سېنى شۇنداق سىغىندىم بوۋا ،
كۆز ئالدىمدا پايانسىز دالا .
سەن بىلەن مەن،ئالدىمىز يايلاق ،
ئوتلاپ يۈرەر بىر توپ قوي-كالا .

ئىچ- ئىچىمدىن ئازاپلىنىمەن،
ئەسلەپ قالسام ئۆتكەن كۈنلەرنى.
گەپ ئاڭلىماي قەغىشلىك قىلىپ ،
ساڭا بەكمۇ جاپا سالغاننى.

كەچۈر بوۋا !بەكمۇ كېچىكتىم،
چوڭ بولمىسام بوپتىكەن ئەسلى .
سېنىڭ بىلەن ياشىغان كۈنلەر،
ھاياتىمنىڭ ئەڭ گۈزەل پەسلى .