تۆھمەت  قىلما  بىگۇنالارغا (شېئىر) 

 ماھىنۇر  ئابدۇرھېم

ئادەم  بولۇپ  تۆرەلدۇق شۇنداق،
چىن ئادەمدەك ياشايلى  ئۇزاق .
ئەجدات  روھى  بولمامدۇ  يورۇق،
قۇرماي  ئۆتسەك ھەقلەرگە  توزاق .

بەزىمىز  بار ،ھەسەتتىن  نېرى ،
ھەم بەزىمىز كەلمەيمىز  بېرى .
كۆر قىلىدۇ  كۆزىمىزنى  ئۇ  ،
كەتكەنلەرمۇ جىم ياتماس يېرى .

ئاقنى ئاق  ياشىغان  قېنى ؟
ھەقنى ناھەق  دىمىگەن  قېنى؟
بۇ  ھاياتتا  تاجىلار  تاقاپ  ،
شاھ  تەختىدە يۈرگەنلەر  قېنى؟

تۆھمەت   قىلما   بىگۇنالارغا  ،
ئۇلارمۇ  ئۆز  قېرىندىشىمىز .
مەنپەئەت دىگەن  شۇنچە مۇھىممۇ ؟
ئۈزىۋەتمە بىزنىڭ  رىشتىمىز  .

ھەق  ئېگىلىپ قالىدۇ  بەزەن ،
لىكىن  پۈتۈن  سۇنۇپ  كەتمەيدۇ .
بىلسەڭ  ھەقنىڭ  نۇرلىرى يورۇق ،
يورىتىدۇ  ئۆچۈپ  كەتمەيدۇ .

بىز  ھەمىمىز يىلتىزداش قانداش،
شۇڭا  ئۆملۈك  بىزنىڭ  نامىمىز  .
تۆھمەت  قىلساق  بىگۇنالارغا ،
قانداق روناق تاپار  ئېشىمىز  .