ئەزرائىل ۋە مەن
ئۇيغۇربــــېـــــك

 ئەزرائىل

يوقلاپ كەپتۇ مىنى ئەزرائىل،
تەييار تۇرغىن كىتىسەن دەيدۇ.
قىلاركەنمەن پەرمان بەجاندىل،
قەبرىستانغا يىتىسەن دەيدۇ .

گۇناھلېرىم تۇرۇپتۇ غايەت،
بىر ياخشىلىق قىلماي نىھايەت،
بۇ ھاياتتىن تاپماي ھىدايەت،
كەلگىنىمدە كۆرىسەن دەيدۇ .

ئەسلى دەيتتىم بۇ ھايات چەكسىز،
ئىشىنەتتىم ئۇنىڭغا شەكسىز،
ھايات بېغىم قالدى چىچەكسىز،
يەر تېگىگە چۆكىسەن دەيدۇ.

دەسلىپىدە ئىشەنمەپتىمەن،
جان قەدرىگە يىتەلمەپتىمەن،
ياخشى ئىنسان بۇلالماپتىمەن،
ئۆلگىنىڭدە بىلىسەن دەيدۇ.

قىلغانلېرىم ئۆزۈڭگە ئايان ،
قىلمىساممۇ ھەممىنى بايان ،
ئەمدى بۈگۈن قاچىسەن قايان،
گۆر ئىشىكى چېكىسەن دەيدۇ .

  مەن

خىيالىمدا زىنھار ئۆلۈم يوق،
شۇنچە بىخۇد ياشاپ كەپتىمەن.
ھاياتىمغا ئۈزۈلسىمۇ ئوق،
تەگكىنىدە كۆرەي دەپتىمەن .

نە قىلايمەن ئەمدى بولغاندا ،
ھايات گۈلۈم پۈتۈن سولغاندا،
ئەجەل قۇشى ئۇچۇپ قونغاندا،
بىر تىنىق بەر كىتەي دەپتىمەن .

لىكىن تىنىق بىرەلمەيدىكەن،
بىر دەقىقە كۈتەلمەيدىكەن،
بۇ جېنىمدىن كىچەلمەيدىكەن،
ئالساڭ ئالغىن ئۆلەي دەپتىمەن .

بۇغۇزۇمغا كەلگەندە جېنىم،
چىرايىمدا قالمىدى قېنىم،
ئاستا- ئاستا مۇزلىدى تېنىم،
ئاخىر بەرداش بىرەي دەپتىمەن

لىكىن تەسكەن ئۆلمەك تىرىلمەك،
تىرىلگەنگە پەرىزكەن ئۆلمەك،
گۇناھكارغا مۈشكۈلى كۈلمەك،
ئەڭ ئاخىرى كۈلەي دەپتىمەن .

لىكىن كۈلمەك بولدى بىر خىيال ،
ئەجەل ئوقى كۆرسەتتى ۋىسال،
چۈش ئەمەسكەن ھەقىقى رىيال،
ئاھ جېنىمدىن كىچەي دەپتىمەن .

ئىنسان ئاخىر بۇلاركەن تۇپراق،
ھايات گۈلى تاشلىسا ياپراق ،
خۇش ھىدىنى چاچمىسا ھەرياق،
جەھەننەمدە كۈتەي دەپتىمەن .