تۇيغۇن ۋە تۇتقۇن
ئابدۇقەييۇمجان ئابدۇسادىرى
نەسىر
تۇيغۇنلار بىزنى ھاپاش قىلىپ ھەر يەرنى سەيىر قىلدۇرىدۇ . تەقدىر تۇيغۇلار ئارقىلىق بىزنى خىيالەن دۇنيانىڭ غالىپ سەركەردىلىرىگە ئايلاندۇرىدۇ ،بىز مەردانىلەرچە ئاتلىنىمىز .لېكىن تۇيغۇ تۇتقۇنلىقى بىزنى ئويغا سالىدۇ .
بىز خىيال سۇلتانلىقىنىڭ شاھانە تەختىدە ئولتۇرۋاتقىنىمىزدا بولسا تۇيغۇنلار بىلەن خىيالەن بىقىشىمىز . سىغىنىش نامى بىلەن ئىزگۈلەرنى تەسەددۇق قىلىشىمىز .بۇنىڭ بەدىلىگە ئازاپلارنىڭ خان تاجىنى خالىس تاقىشىمىز . تۇيغۇنلار ھىجران كىيىملىرىنى كىيىشدۇ .بىز بولساق ئاشىقلىق كۇلاسىغا بەنىت بولۇپ ياشايمىز . مۇھەببەتنى كىشەنلەر بىلەن خۇشال ھالدا تاقىشىمىز ، مانا شۇندىن باشلاپ تۇيغۇننىڭ گۈزەل ئەمما ئاداققىي تۇتقۇنلىرىغا ئايلىنىمىز.
ئەقىل ئىلاھى بىزنى جىنىنىڭ بارىچە چاقىرىدۇ ، ئەمما بىز ئۇنى يالغان دەپ بىلىمىز . ھەتتا ئۇنىڭ ئەگەشكۈچىلىرى بىزنىڭ مازاق قىلىش ئوبىكتىمىزغا ئايلىنىدۇ . ئۇلارنىڭ « ئەخمەق » لىكىگە قاقاقلاپ كۈلىمىز . لېكىن ئويلىمايمىزكى ھەقىقىي تۈردە ئۆزىمىزنىڭ ئەخمەق بولغىنىمىزنى .
تۇيغۇن ئىلاھىنىڭ بۇيرۇقى بىلەن چاكارلىرى ئەرزىمەس داستىخانلار بىلەن بىزنى كۈتىۋالىدۇ . ئەقىل خاندانلىقىنىڭ پاسىبانىنىڭ كاتتا ھەشەمەت سورۇننى كۆزگە ئىلمىغان بىز ئۇ سورۇنغا تىلىمىزنى ساڭگىلاتقىنىمىزچە يۈرۈپ كېتىمىز . ئەقىل مىھرىبانلارچە بىشىمىزنى سىيلايدۇ ، بىز ئۇنى سىلكىپ تاشلايمىز .دە تۇيغۇنلارنى ھىماتچىلىققا تىلەيمىز .
ئەقىل قايتا - قايتا بىزنى چىللاپ كېلىدۇ ، لېكىن بىز كۆزىمىزنى يۇمۇم مەھكۇملۇقنى تاللايمىز دە ، غالىپلارچە :
- بۇ ساراڭنى كۆزدىن نىرى قىلىڭلار . دەپ بۇيرۇق چۈشۈرىمىز ، ئەقىل جىمجىت كېتىپ قالىدۇ .
ئۇزاققا قالماي بىز سەكراتقا چۈشىمىز ، تۇيغۇنلارنىڭ تۇتقىنىغا ئايلانغان بىز ئەسەبىلەرچە ئىڭرايمىز ، زارلىنىمىز ، بىچارىلەرچە ئەقىلنى چاقىرىمىز ، ئەپسۇس ،بىز كىچىككەن بولۇپ ھەممىدىن تۇتقۇن پىتى مەھرۇم بولىمىز .
ئاپتۇرى : ئابدۇقەييۇمجان ( ئەختەر )
ئۈندىدار : 2041420589
2017- يىلى 5- ئاينىڭ 24- كۈنى ، سەھەر ، ئۈرۈمچى
شىنجاڭ سەنئەت ئىنستىتوتىدا يىزىلدى
126 قېتىم كۆرۈلدى | ئەسەر يوللىغۇچى : | ||
2017-5-25 0:01:08 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|