كىتىپ قالسا بالىنىڭ چوڭى
ئېزىز تۇرسۇن خەنجەرى
ۋاي ئىسىت دەپ يىغلاپ قالىسەن،
ياقا يىرتىپ ئىڭراپ قالىسەن،
كىملەرگىدۇر گۇڭراپ قالىسەن،
كىتىپ قالسا بالىنىڭ چوڭى...
ئۇنىڭدا بار ئاتاڭنىڭ قەھرى،
ئۇنىڭدابار ئاناڭنىڭ مىھرى،
دەرت تارتقاندا ئۈتۈلەر قەدرى،
كىتىپ قالسا بالىنىڭ چوڭى...
تاپقىنىنى بىرەلمەس ساڭا،
كىسىلىڭگە بىرەلمەس داۋا،
ھاجىتىڭنى قىلالماس راۋا،
كىتىپ قالسا بالىنىڭ چوڭى...
((ئىنى-سىڭلىم))دەپ جاپا چەككەندە،
سەن چوڭ بۇلۇپ تىگىگە يەتكەندە،
چاقىرساڭ يوق پولو ئەتكەندە،
كىتىپ قالسا بالىنىڭ چوڭى...
ھۆرمىتىنى قىلاي دىگەندە،
باشلىۋالاي تۆرگە دىگەندە،
قايتىپ كەلمەس ئاھ،ۋاھ يىگەنگە،
كىتىپ قالسا بالىنىڭ چوڭى...
ھاياتلىقتا قىلغىن قەدرىنى،
سىرداش،مۇڭداش ئاڭلا گىپىنى،
پۇشماندا ياش تۆكمە بىركۈنى،
كىتىپ قالسا بالىنىڭ چوڭى...
2015.9.20
ئاقسۇ
327 قېتىم كۆرۈلدى | margimux | ئەسەر يوللىغۇچى : | |
2017-3-24 18:47:17 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|