بىچارە قىزنىڭ نالىسى

كۆزلىرىمگە چېلىقار ھەر كۈن،

چېھرى سۇلغۇن بىچارە بىر قىز .

كۆزلىرىدە تارام-تارام ياش ،

زىنىقىدا ھەسرەتلىك بىر ئ‍ىز.

قىزنىڭ مىسكىن ھالىنى كۆرۈپ،

قاراپ-قاراپ تۇرۇپ كىتىمەن.

بىر تېگى يوق تۇيغۇلار ئ‍ارا،

خىياللارغا چۆكۈپ كىتىمەن.

تاقەتلەرگە بىرەلمەي بەرداش،

غەيرەت بىلەن باردىم قېشىغا.

ئ‍ۈمۈد بىلەن سورۇدۇم سۇئ‍ال،

- قانداق دەرىتلەر كەلدى بېشىڭغا؟

نازۇك تىنى تىترىدى شۇئ‍ان ،

كىرپىكىدىن تۆكۈلدى ئ‍ۈنچە.

پورەك ئ‍اچماي نەۋ باھار پەسلى،

ئ‍ۈزۈلۈپتۇ شېخىدىن غۇنچە.

يۈرۈكۈمگە سانجىلدى خەنجەر،

ۋۇجۇدىمنى ئ‍ۆرتىدى ھەسرەت.

بۇ رەھىمسىز ئ‍اچچىق تەقدىرگە،

كۆز ياشلىرىم ئ‍وقىدى لەنەت……

قەلەمدە: قۇرباننىسا ئ‍ابلىمىت