ھىجران 
شېئېر
ئاپتۇرى 👈 مۇھەببەت كۈيچىسى ، 👈مۇھەممەتجان سامساق 

تولغۇنۇپ ھەسرەتتە ئۆتەر كۈنلىرىم ،
كۆرەلمەي سېنى مەن سۆيگۈ بېغىدا.
ئازابنىڭ قۇشلىرى سۈرىدۇ ھۆكۈم،
قالدۇرۇپ يىگانە ھىجران تېغىدا.

قىينىغاچ بۇ ئازاب ئۆرتەپ دىلىمنى،
مۇھەببەت بېغىدا قىلماقتا يىتىم.
زارىقىپ كۈتسەممۇ ئەقىدەم بىلەن،
مېھرىڭنى كۆرمىدىم بىرەرمۇ قېتىم .

سېغىنىپ ھىجراندا تولغاندىم يەنە،
يۈرەكنىڭ قاتلىرى كەتمەكتە قاناپ .
كۈزۈمدە تامچە ياش يەتمەي ۋىسالغا،
ئۆتمەكتە بۇ ئۆمۈر دەقىقە ساناپ .

سوقماقتا يۈرۈكۈم ھەسرەتلىك تىنىپ ،
ئازابنىڭ سۈيىگە چىلاندى قېنىپ.
سازلىرى چېلىنماي سۆيگۈنىڭ بىررەت.
شادلىقنىڭ لەۋلىرى كەتتى يېرىلىپ .

چاڭقىغان قەلبىمگە سۆيگۈ يامغۇرى ،
ھاياجان ياشلىرىنى تۆكمىدى بىر رەت .
شەربىتى تۇتىياھ ، قاقاس چۆللەردە ،
 بىرتاتلىق مېھىرىگە تەشنا مەن ئەبەد.

ئاپتۇرى- ئاقسۇ شەھەر قارتال بازىرىدىن 👈مۇھەممەتجان سامساق 
تىلفۇن ئالاقە ئۈندىدار -15599755288

2017-4-10