قالدىم

تۇرغۇنجان كامال     

 لەۋلەر يېقىپ سۆيگەنلەر كەتتى،
يۈرىكىمنى تۇتقانچە قالدىم.
ۋەدىسىدىن تانغانلار كەتتى،
ھەسرىتىنى يۇتقانچە قالدىم.

ئەقىدەمگە ئېچىنار قەلبىم،
بىر ھىجراندا كۆيگەنچە قالدىم.
كۆنەلمىگەچ باشقا بىرىگە،
ساداقەتتە سۆيگەنچە قالدىم.

كەتكەن چېغى ئايمۇ سەن بىلەن،
ھەر كېچىدە كۈتكەنچە قالدىم.
ئىزدەپ قالدىم يۇلتۇزلاردىن ھەم،
سەۋرىم بىلەن ئۆچكەنچە قالدىم.

تەھرىر:مۇھەممەدتوختى سەببەت

مۇھەررىر:ئابدۇقەييۇمجان ئابدۇسادىرى