مەن دۇنياغا يالىڭاچ كەلگەن 

رەجەپ يۈسۈپ

نە بايلىقنى قىلمىدىم تاما ،
ھەشەمەتكە يوقتۇر ئىشتىھا .
ئ‍ىرىشكىنىم يىتىدۇ ماڭا ،
مەن دۇنياغا يالىڭاچ كەلگەن.

خالىمايمەن ئ‍ىسىل پەرىجە ،
خالىمايمەن مەنسەپ دەرىجە .
كىبىرىم يوق قىلچە زەررىچە،
مەن دۇنياغا يالىڭاچ كەلگەن .

ئ‍ىسكەندەردەك سۈرسىمۇ دەۋران ،
نەمرۇتتەك بولسىمۇ ۋەيران .
ئۆزگىلەرگە ئەمەسمەن ھەيران ،
مەن دۇنياغا يالىڭاچ كەلگەن .

داچام يوقتۇر كەپەمگە شۈكرى ،
ماشىنام يوق مەپەمگە شۈكرى .
ئۇنتۇمايمەن ھەردەم شۇ ئ‍ىشنى ،
مەن دۇنياغا يالىڭاچ كەلگەن .

پىيادە مەن قاۋۇل پۇتۇم بار ،
بەخىتلىك مەن گۈلدەك يۇرتۇم بار .
ئ‍ارتۇق بەخىت كۈتمەيمەن زىنھار ،
مەن دۇنياغا يالىڭاچ كەلگەن .

توپلىساممۇ تاغدەك دۇنيانى ،
تۈزلىسەممۇ ھاڭنى قىيانى .
ئۇنتۇمايمەن دىلدىن خۇدانى ،
مەن دۇنياغا يالىڭاچ كەلگەن .

ئ‍اچكۆزلۈكتىن تۇرىمەن يىراق ،
قانائەتلىك خۇشال ئ‍ۆتەرمەن .
مەن دۇنياغا يالىڭاچ كەلگەن ،
قانداق كەلسەم شۇنداق كىتەرمەن .

2016-يىلى10-ئاينىڭ 10كۇنى