ئاي ۋە يۇلتۇز
ئابلىمىت روزى توغراق
مەنسۇپ ئەمەس ماڭا تۇلۇنئاي،
ئۇ زىمىنغا ھەممىگە ئورتاق .
شىرىن ئەمەس مۇھەببەت دائىم،
تىتىيدىكەن گاھىدا قىرتاق.
تۇلۇنئايغا بەردىممۇ ۋەدە،
رۇجەكلەردىن تۇرىدۇ ماراپ.
ئەي نىگارىم قاياقلاردا سەن،
سەنمۇ ئايغا تۇردىڭمۇ قاراپ.
رومىلىڭنى قايرىۋەتكىن ئاي،
سىزىۋالاي يارنىڭ ھۆسنىنى.
قىياقلارغا قونۇپ شەبنەمدەك،
كۆرىۋالاي بۇلاق كۆزىنى.
جىمىرلايدۇ سانسىز يۇلتۇزلار،
ئوخشىمايدۇ چاقنىشى بىراق.
سىغىنىشىم ئۆچمەيدۇ مەڭگۈ،
ئارلىقىمىز بولسىمۇ يىراق.
2017.3.18 پوسكام
22 قېتىم كۆرۈلدى | ئابلىمىت روزى توغراق | ئەسەر يوللىغۇچى : | |
2017-4-2 7:35:30 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|