بۈگۈنىمىز گۈزەل دەپ ، پەرداز قىلما سىتودىنت
تۇرغۇن راخمان ( كەمتەر)

پارتىيەنىڭ نۇرىدا ، يوللار ئاچقىن سىتودېنت ،
ئىللىق ۋەتەن قوينىدا ، داۋان ئاشقىن سىتودېنت ،
پۇرسەتلەرنى قەدىرلەپ ، قىران ياشلىق چېغىڭدا ،
مەشئەللەرنىڭ چوغىدا ، نۇرلار چاچقىن سىتودېنت .

مەرىپەتنىڭ قوينىدا ، خۇشال ياشا سىتودىنت ،
گۈزەل ئانا يۇرتۇمدا ، باغلار ياسا سىتودىنت ،
ئاتا - ئاناڭنىڭ بارىسەن ، ئۈمۈدىنى ئاقلىغىن ،
ئەۋلادلىرىڭ ئىشقىدا ، ھارماي سايرا سىتودىنت .

ئەجدادلارنىڭ ئەجرىنى ، ئاقلا مەڭگۈ سىتودىنت ،
نۇرلاندۇرۇپ مەشئەلنى ، يايرا مەڭگۈ سىتودىنت ،
ئىللىق ئانا ۋەتەندە ، دادىل ئالغا قەدەم ئال ،
بولۇپ ئەجداد ۋارىسى ، سايرا مەڭگۈ سىتودىنت .

ئاتا - ئاناڭ غېمىنى ، يەردە قويما سىتودىنت ،
مەرىپەتنىڭ كېنىنى ، بوغۇپ قويما سىتودىنت ،
جاسارەتتە تېرىشىپ ، شەرەپ قۇچقىن مەڭگۈگە ،
ئۇستازلارنىڭ ئەجرىنى ، چۆلدە قويما سىتودىنت .

قىلما ھەرگىز ئازغۇنلۇق ، ۋاپادار بول سىتودىنت ،
ئويلىمىغىن ھورۇنلۇق ، چىدامچان بول سىتودىنت ،
قىران ياشلىق چېغىڭدا ، ئەۋلاد ئۈچۈن تېرشىپ ،
ئاتا قىلىپ يورۇقلۇق ، ئەزىمەت بول سىتودىنت .

ئۆتۈپ كەسە ياشلىقىڭ ، يانماس چېراق سىتودىنت ،
گۈل تېرىماي باغلىرىڭ ، يوقتۇر پېراق سىتودىنت ،
قاندۇرىدۇ ئۇسسۇزلۇق ، مەرىپەتنىڭ بۇلىقى ،
ئىلىم-پەندۇر يارلىرىڭ ، تۇرما يېراق سىتودىنت .

ئەجىرلەرنى بىل شەرەپ ، پۇرسەت كۈتمە سىتودىنت ،
ئازغۇنلارغا قىل غەزەپ ، ئېزىپ كەتمە سىتودىنت ،
ساۋاتسىزلىق نۇمۇستۇر ، نادانلىقتىن قۇتۇلغىن ،
ئادىمىيلىك بىل ئەدەب ، ھەرگىز كەچمە سىتودىنت .

گۈزەل ياشلىق چېغىڭنى ، نابۇت قىلما سىتودىنت ،
چىمەنزارلىق تېغىڭنى ، گۇمران قىلما سىتودىنت ،
ئىلللىقنى ئويلىغىن ، قەيسەر بولغىن بىر ئۆمۈر ،
خۇشپۇراقلىق بېغىڭنى ، ۋەيران قىلما سىتودىنت .

قوغلاشمىغىن راھەتلەر ، چانما ھەرگىز سىتودىنت ،
تالاشمىغىن قامەتلەر ، ئازما ھەرگىز سىتودىنت ،
تېتىك بولسۇن روھلۇرۇڭ ، مەڭگۈ ئالغا چامدىغىن ،
ئويلىمىغىن پۇرسەتلەر ، يانما ھەرگىز سىتودىنت .

ئۆتتى يەنە كۈنۈم دەپ ، چوتنى سوقما سىتودىنت ،
قېنىۋالاي كۈلۈپ دەپ ، خىيال قىلما سىتودىنت ،
ھەر دەقىقە تېرىشقىن ، قۇراللىنىپ پەن بىلەن ،
بۈگۈنىمىز گۈزەل دەپ ، پەرداز قىلما سىتودىنت .

جەمئىيتىمىزدىكى ئاز ساندىكى ئۆزىنى سۆيمەيدىغان ، پارتىيەنىڭ نۇرلۇق سىياسەتلىرىنى قەدىرلىمەي ، پۇرسەتلەرنى چىڭ تۇتماي ، ئاتا - ئانىنىللىرىنىڭ ئۈمۈدىنى ئاقلاشقا تېرىشماي ، ئالىي مەكتەپ قوينىدا ياخشى ئوقۇماي ، ئەپلەپ - سەپلەپ كۈن ئۆتكۈزىۋاتقان سىتودىنتلارغا ئىبرەت بولۇش ئۈچۈن ، شۇنداقلا يەنە بىر قىسىم ئىنتايىن ئاز ساندىكى نادان ، ئاجىز سىتودىنتلارنىڭ ”ئۈچ خىل كۈچلەر “نىڭ ئېزىقتۇرىشى بىلەن ئازغۇنلۇق قىلىپ ، تۇيۇق يولغا كېرىپ قىلىپ ، ئەسەبىي دىنىي تەلۋىلەر ، مىللىي بۆلگۈنچىلەر ۋە تېررورچىلارنىڭ يەمچۈكىگە ئايلىنىپ قېلىپ ، ياشلىق باھارىنى نابۇت قىلىۋاتقانلىقىنى نەزەردە تۇتۇپ ، ئۇلارنىڭ قەتئىي ھېسياتىغا تايانماي ، ھەق - ناھەقنى ئېنىق ئايرىپ ، ئاق - قارىنى تونۇپ يېتىپ ، گۈزەل ۋەتەن ئىللىق قوينىدا پۇرسەتلەرنى چىڭ تۇتۇپ ، مەرىپەت قوينىدا تاۋلىنىپ ، ئۆزى ئۈچۈن ، ۋەتەن ئۈچۈن ، خەلق ئۈچۈن تېرىشىپ ئوقۇپ ، كەلگۈسىنىڭ ياراملىق ئىز باسارلىرىدىن بولۇشىنى ئۈمۈد قىلىپ ، بارلىق سىتودىنتلارغا ئىبرەت بولۇش ئۈچۈن يازدىم ،ئاپتوردىن .....

تەھرىرلىگۈچى : ئابلىمىتجان ۋاھاپ 

ئۈندىدار :qq1165181317

مۇھەررىر: ئابدۇقەييۇمجان ئابدۇسادىرى 

ئۈندىدار :2041420589