ياخشىنىڭ قەدرىگە يەتمەسكەن ئىنسان

گۈزەل

‏چىقمىسا شامال ، جۇدۇن ۋە بوران ،

 ئاپتاپنىڭ قەدرىنى بىلمەيدۇ ئىنسان .

ياماننىڭ قۇلىدا خارلانماي تۇرۇپ ،

 ياخشىنىڭ قەدرىگە يەتمەيدۇ ئىنسان .

 ئىشەنگەن تاغلاردا كىيىك ياتماپتۇ ،

 كىيىك ئەمەس ھەتتا چاشقانمۇ ياتماپتۇ .

 تىۋىپلار ئارىسىنى شۇنچە كەزسەممۇ ،

 پۇشايمان دورىسىنى ئەسلا ساتماپتۇ .

ئادىمىيلىك قىممىتىڭ غۇرۇر ئىرادە ،

 ئۇنىڭدا ھۆرمىتىڭ قەدرىڭ زىيادە .

 نامەرتتىن ئات سوراپ مىنگەندىن كۆرە ،

 ئەۋزەلدۇر بىر ئۆمۈر قالساڭ پىيادە .