* سېغىنارسەن مېنى شۇ كۈنى *

زۈلەيخا قەلىمى

يۈرەكىڭگە بىر ئوتنى سالسام ،
كۆز ئالدىڭدا بىر بولۇپ قالسام ،
قەلبىڭدىن ھەم چىن ئۇرۇن ئالسام ،
سېغىنارسەن مېنى شۇ كۈنى .

مۇھاببەتنىڭ ئوتىنى سالسام ،
شەربەت كەبى لىۋېڭگە تامسام ،
ھاياتىڭدا بىر بولۇپ قالسام ،
سېغىنارسەن مېنى شۇ كۈنى .

ياش تۈكىسەن بىر كۈنى كەچسەم ،
مۇڭلىنىسەن يېنىڭدىن كەتسەم ،
دەردىڭ ئاشار يات بىلەن كەتسەم ،
سېغىنارسەن مېنى شۇ كۈنى ،،،

كېچىلەردە تولغۇنۇپ ئاچچىق ،
ھەسرىتىمنى چېكىسەن قاتتىق
ئېلىپ كەتسە مېنى ئاق ئاتلىق ،
سېغىنارسەن  مېنى شۇ كۈنى،،،

چۈشلىرىڭدە ئارام بەرمىسەم ،
خيالىڭدىن نېرى كەتمىسەم ،
كېتىپ يېراق قايتىپ كەلمىسەم ،
سېغىنارسەن مېنى شۇ كۈنى ،،،