مۇھەببەتكە خىتاب
رۇزىگۈل ئابدۇۋەلى
يۈرىكىمنى يالقۇنلۇق ئوتقا سالدىڭ مۇھەببەت ،
ھەر تۈنلەردە ئۇيقۇمنى ئېلىپ قاچتىڭ مۇھەببەت،
شىرىنلىكتە بەخىتمۇ تەقدىم قىلدىڭ مۇھەببەت ،
كۈنلىرىمگە ھەر مەنا بەخىش ئەتتىڭ مۇھەببەت .
سەن بولغاچقا ئۆزۈمنى ھېس قىلىمەن قۇشلاردەك ،
كۆكتە ئەركىن قاناتلار قېقىپ يۈرگەن ئەنقادەك ،
سەن بەرگەن شۇ كۈلكىلەر بىلىنىدۇ دۇنيادەك ،
چىن سۆيگۈنىڭ تەپتىدە بىھۇش قىلدىڭ مۇھەببەت .
ئەلۋەتتە بار سېنىڭدە مۈشكۈل سىناق ۋە ھىجران ،
قىلسام دەيمەن مەڭگۈلۈك ئەقىدەمنى ھۆكۈمران ،
سەنسىز دۇنيا ئۇ ماڭا گويا زۇلمەت زىمىستان ،
بۇلۇپ قالسا مۈشكۈلات مەدەت بەرگىن مۇھەببەت .
《مۇھەببەت》دەپ يېزىلدى شېئىر، چۆچەك ۋە كىتاب،
بۇزۇلمىسۇن ئەقىدە بۇلۇپ قالما سەن بىتاپ ،
جۈپ يۈرەكلەر نامىدىن قىلاي ساڭا مەن خىتاب ،
سۆيۈشكەننى ھەرگىزمۇ ئايرىمىغىن مۇھەببەت .
2017-يىلى 1-ئاپرېل
179 قېتىم كۆرۈلدى | رۇزىگۈل ئابدۇۋەلى | ئەسەر يوللىغۇچى : | |
2017-4-1 17:47:19 | :يوللانغان ۋاقتى |
2017-4-3 22:04:05 | 。 |
愿所有人都能找到自己的幸福 |
2017-4-1 22:50:10 | ئەلھېكمەت |
ھەقىقەتەن ياخشى يېزىلىپتۇ ! مۇھەببەتنى شېئىرىي تىل ئارقىلىق جانلىق ئەكىس ئەتتۈرۈپتۇ!☺ |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|