خىيالىمدا ئۆچمەس بىر تۇيغۇ  

‎مەردان ئېزىز    تارىم ئوغلى     قەلىمى

‎خىياللىرىم ئۇچتى نەلەرگە،
‎بۇزۇلغاچقا كېچىدە ئۇيقۇ.
‎يالقۇنلىدى ئويغۇنۇپ شۇئان،
‎خىيالىمدا ئۆچمەس بىر تۇيغۇ.

‎ھەسرەتلىرىم مېنى قىينىدى،
‎ئەجەل كېلىپ جاننى ئالمىدى.
‎يالقۇنلىدى ياكى ئۆلمىدى،
‎خىيالىمدا ئۆچمەس بىر تۇيغۇ.

‎دىل بېغىڭدىن قوغلىدىڭ مېنى،
‎چىن يۈرەكتىن سۆيگەنتىم سېنى.
‎نەپرەت بىلەن ئۆرتىدى مېنى،
‎خىيالىمدا ئۆچمەس بىر تۇيغۇ.

‎ھېچ كىشىدىن كۈتمەيمەن ۋاپا،
‎ئىنسان زاتى سالدى كۆپ جاپا.
‎يالقۇن بولۇپ لاۋۇلدار يانا،
‎خىيالىمدا ئۆچمەس بىر تۇيغۇ.

‎2016-يىل  23-ئۆتەبىر （星期日）
‎كېچە سائەت 12：47 （乌鲁木齐）