جېنىم دادام ، قايتىپ كەلسەڭ بىر قېتىم تۇرغۇن راخمان ( كەمتەر ) كەلسە دادام ، كۆرۈۋالسام بىر قېتىم ، قۇچاغىدا يېتىۋالسام بىر قېتىم ، سىيلىۋالسام ئاق ياقۇپتەك چېچىنى ، قېنىپ - قېنىپ سۆيۈۋالسام بىر قېتىم . چۈشلىرىمگە كىرسە دادام بىر قېتىم ، ئوغلۇم دېسە ، تاتلىق كۈلۈپ بىر قېتىم ، دەرتلىرىمنى دېمەستىمغۇ زادىلا ، پېشاينەمگە سۆيۈپ قويسا بىر قېتىم . كەلسە دادام ، ناخشا ئېيتساق بىر قېتىم ، خامان لاي -لاي توۋلاپ باقساق بىر قېتىم ، چەچلىرىمنى كۆرۈپ باقسا خوش بولۇپ ، بىللە سەيلە قىلىپ باقساق بىر قېتىم . دادا دېدىم ، كەلمىدىغۇ بىر قېتىم ، يىغلىساممۇ سەزمىدىغۇ بىر قېتىم ، كەلگىن دادا ، سېغىندىمغۇ بەك ئەجەپ ، ئاڭلاپ باقساڭ ، دەردلىرىمنى بىر قېتىم . تۇيۇقسىزلا ئۇچۇپ كەلسەڭ ، بىر قېتىم ، قوللىرىڭنى تۇتۇپ قويسام بىر قېتىم ، سېغىنىشتا قىينالدىمغۇ ، بىلەمسەن ؟ جېنىم دادا ، قايتىپ كەلسەڭ بىر قېتىم .

---