كىتاب ۋە بىز

ئابدۇقەييۇمجان ئابدۇسادىرى

  كىتاب ئۈزۈلمەس سىمفونىيە ، بىز ئاڭلارمەن . ھەرقانداق بىر كىتاب ئۆزىنىڭ مۇڭ ھىسلىرى بىلەن كىشى كەلبىنى لال قىلىدۇ . ئۇنىڭ زىكىرلىرى قۇلاق تۈۋىڭمىزدە ياڭرىسا ، ھۇجۇدىمىز ئىپتىخارلىنىدۇ ، يۈركىمىز لەرزىگە كېلىدۇ . ئۇ سىمفۇنىيەنىڭ ھەر بىر ئۇرغىلىرىدىن مىھىر بالقىپ تۇرىدۇ،شۇ مىھىرلەردىن مىسكىن قەلبىمىز ئالامچە شادلىققا تولىدۇ . بۇ سىمفونىيە مەڭگۇ ياڭرايدۇ ، ئۇ ئەىۋلاتىن ئەۋلاتقا ئاداققىي مىراس قالىدىغان قىمىتلىك بايلىق .   كىتاب ياڭراتقان ئابىي چەشمىلەر قەلىپ ئىزگۈلىرىنى ئويغىتىدۇ .

  كىتاب ئەقىل بۇلىقى ، بىز چاڭقىغان سەيياھ . ئۇ بۇلاق ئابىي ھايات شەربەتلىرى بىلەن چاڭقىغان ھىسلىرىمىزغا ھاياتىي كۈچ بەخىش ئىتىدۇ . ئۇ بۇلاقنىڭ كەۋسەر سۇلىرىدىن رىزىقلانغان ھەر قانداق بىر تەن  ئۆز تومۇرلىرىدا ئاققان  ، كىتابدىن ئىبارەت ئەقىل بۇلىقىنىڭ ئىزگۈلىرىگە جۈر بولۇپ جاھان تامان يۈرۈپ كېتىدۇ . ئۇ بىلىمگە ئىنتىزار بولغان ، قاغجىرغان قەلىپلەرنى ياشنىتىدۇ .

  كىتاب چۆچەكلەر خەزىينىسى ، بىز ئەلەيلىنىۋاتقان بوۋاق . بىز كىچىك ۋاقىمىزدا شۇ خەزىينىگە ئىرىشىپ بالىلارچە تەپەكۇرىمىزبىلەن  خىياللار دۇنياسىغا جۆر بولغان . ياغاچ ئات بىلەن ئاسماننى سەيىر قىلغان ، خانتەڭرى ئاتلىرىغا مېنىپ ، قولىمىزغا ھەققانىيەت شەمشەرلىرىنى ئىلىپ گاھ چۆل – جەزىرىلەردە ، گاھ تاغ – داۋانلاردا يۈرۈپ ۋەتەن قوغداش ئۇرىشىنىڭ ئالدىنقى سىپىدە باھادىرلارچە جەڭ قىلغان  ، ۋە ئەل – يۇرت دۈشمەنلىرترىنىڭ كۆكرىكىگە نەيزە كەبىي سانجىلغان .

  كىتاب بۈيۈك ئۇستاز ، بىز ئوقۇرمەن . ئۇ ئۇستاز بىزگە ئىلىم – مەرىپەت ئۈگۈتۈپلا قالماي ، ھايات سىناقلىرىغا   ، تۇرمۇش دۇقاللىرىغا دۇچ كەلگەندە قانداق تاقابىل تۇرۇشتىن تارتىپ ، سۆزلەش ، يىزىش ، كۆرۈش ، ئاڭلاش بولامدۇ تۇرمىشىمىشدىكى ھەربىر ئۇششاق ھالقىلارغىچە ، تۇرمۇشقا كۆڭۈل كۆزىمىز  بىلەن ئەمەس ، ئەقىل

كۆزىمىز بىلەن قارشنى ، ئوڭۇشسىزلىققا ئۇچۇرغاندا ھىكمەت بىلەن غالىپ كېلىشنى ئۈگەتتى . كىتابدىن ئىبارەت ئۇستاز بولغاچقىلا بىز ھەرقانداق ئوڭۇشسىزلىققا ئۇچۇرغىنىمىزدا  قانداق تاقابىل تۇرۇشنى ئۈگەندۇق . ئارىمىزدىن كىم ئۇنىڭغا ھەقىقىي ئىرىشەلىسە قىيىنچىلىق ئالدىدا باش ئەگمەيدىغان چىدام ، غەيرەتكە ئىگە بولدى  .

  كىتاب شادلىق ئەلچىسى ، بىز مىسكىن قەلىب . كىتاب ئۆزىنىڭ ساماۋىي قۇدۇرتى بىلەن مىسكىن دىللىرىمىزغا سادلىق بەخىش ئەتتى . ئۇ بولغاچقىلا ھەرقانداق قايغۇ ئۈستىدىن غەلبە قىلالالىدۇق ،  ئۇ يالغۇز قالغان تەنھا قەلىبلەرگە مۇڭداش بولدى . تەنھا قەلىبلەر ئۇنى قىيامەتلىك دوستى بىلىپ ، كۆڭۈل ھىسلىرىنى ئورتاقلاشتى . بىز ئۇنىڭ ئاددىي ، ئەمما گۈزەل ، سىخىي ، ئەمما مىھنەتسىز بەتلىرىگە قاراپ ئاتا – بوۋىلىرىمىز مىھرى بىلەن قالدۇرغان ساماۋىي پۈتۈكلەردىن ئۇلارنىڭ ھىدلىرىنى ھىدلىدۇق .

   كىتاب خىسلەتلىك مەشئەل ، بىز تىمتاس كىچە . مەشئەل نۇر بىلەن تىمتاس كىچىنى يورۇتقىنىدەك ، كىتابمۇ ساماۋىي نۇرلىرى بىلەن روھىيەت دۇنيارىمىزنى يورىتىدۇ . ئۇنىڭ نۇرلىرىدىن قاراڭغۇ دىللار شادلىنىدۇ ، ناردانلىقنىڭ زۇلمەت باسقان قاراڭغۇلىقى ئۇنىڭ ئۆتكۈر نۇرلىرىغا يەم بولۇپ ئازاپ بىلەن نالە قىلشىدۇ . زىمىستان كىچىلەردە چىراققا پەرۋانىلەر مەستانە بولغان بولسا ، ھاياتلىق ئالىمىدە كىتابدىن ئىبارەت نۇرلۇق مەشئەلگە ئىلمنى ئۆزىگە ئاشىنا بىلگەن كۆڭۈللەر زار بولىدۇ . باغۋەنلەر كىتابدىن ئىبارەت نۇرانە مەشئەلدىن تۇتام – تۇتاملاپ ئوتلارنى سورۇشۇپ تۈمەنلىگەن بىلىمگە تەشنا قەلىپلەرنى قاندۇرىدۇ . بىلەمسەن كىتاب ؟ سەن مەشئەل بۇپ يانغىنىڭدا تۇمەنلىگەن بىلىمگە تەشنا بولغان خەلىق بولمىش بىز ، ساڭا ھۆرمەت بىلەن قارايمىز . سېنىڭ يالقۇنجاۋاتقان  ئۇتلۇرۇڭغا قەدىمكى ئاتا – بوۋلىرىمىزنىڭ مۇقەددەس كۈچ – قۇدۇرتى مۇجەسسەملەنگەن . سېنىڭ ھەربىر قورلىرىڭنى ئىزلىغان بىز پۈتمەس – تۈگۈمەس ئالتۇن جاۋاھىراتلارنى سۈزىۋالىمىز قەدىمكىلەر  < چىراغ يىقىپ يورۇق ئال ، كىتاب  يىقىپ بىلىم ئال > دىگەندەك .

   كىتاب – ئىنسانىيەت دۇنياسىنىڭ روھىي ئوزۇقى ، قىمەتلىك ئەڭگۈشتۈرى ، گەپ ئۇنى توغرا تونىشتا ، ھەم توررا بايقاشتا ، ئۇ ھىكمەت خەزىنىسى ، ئۇنىڭدا جاھاندىكى ئەڭ كاتتا پادىشاھنىڭ خەزىنىسىنىڭ نەچە ھەسسىسىدەك بايلىق بولسىمۇ ئوندەن بىرىگە تەڭ كەلميدىغان ھىكمەت خەزىنىسى ئورۇن ئالغان . ئۇ بىر ئىلىم مەكتىۋى ، ئۇنىڭدا ھەممە جاھان ئەھلى ئوقۇشىدۇ . بەزىلىرى ئالىم بولىدۇ ، بەزىلىرى زالىم بولىدۇ ، بەزىلىرى شاھ بولىدۇ ، بەزىلىرى گاداي.

ھىكمەتكە خەزىينە كىتاب ،

ھۆرمەتكە مەدىينە كىتاب .

ئوقۇ دەپ دائىم بىزگە ،

دانالار قىلغانتى خىتاب .

ئۆلمىدى قۇدادغۇ بىلىگ ،

ئۆلسىمۇ بىر – بىرلەپ ھايات .

ئۆلمەيدۇ تۈركى دىۋانى ،

چۇنكى ئۇ شاھانە كىتاب .

تەۋپىقنىڭ مەشئىلى يانغان ،

بولغىن دەپ ئىلىم شەيداسى .

ئۆزگەرمەس ئۈشبۇ ھەقىيقەت ،

خار بولماس كىتاب ئاشىناسى .

كىتاب ئۇ ھەركىمگە راۋا ،

شەربىتى تەشنا قەلىبنىڭ .

كىتابدا ئىزلىرى قالغان ،

تارىخنى يازغان ئەدىبنىڭ .

.........................

..........................

--- كىتاب ناملىق ناخشىدىن

( بۇ نەسىرىمنى 2017- يىلى 4- ئاينىڭ 23- كۈنى  دۇنيا كىتاب ئوقۇش كۈنى مۇناسىۋىتى بىلەن ياش قەلەم تور مۇلازىمەت مەركىزىمىزنىڭ < بىر كىتاب بىر ئالەم  > تىمىسىدىكى چاي – سۆھپەت پائالىيتىدىكى بارچە بىلىم سۆيەر قىرىنداشلىرىمغا تەقدىم قىلدىم )

ئاپتۇرى  : ئابدۇقەييۇمجان ( ئەختەر )

ئۈندىدار : 2041420859

2017- يىلى 4- ئاينىڭ 21- كۈنى . ئۈرۈمچى