ئەركەك بولساڭ چاقىرما
تۇرغۇن راخمان (كەمتەر)

ئەركەك بولساڭ چاقىرما،كىتىپ قالغاننى،
ۋۇجۇدىدا مېھرى يوق،گۈلخان ياققاننى.
ئادەم بولماس،كىچىۋەت چاپان ياپقاننى،
قولتۇقىدا پالتىنى،ساقلاپ تۇرغاننى.

ئەركەك بولساڭ چاقىرما،كىتىپ قالغاننى،
ھېيلە-نەيرەڭ ئىشلىتىپ،توزاق قۇرغاننى.
غۇرۇر-ۋىجداننى سېتىپ،ئادەم چاققاننى،
پايدا-مەنپەئەت ئويلاپلا،ئادەم ساتقاننى.

ئەركەك بولساڭ چاقىرىمغا،كېتىپ قالغاننى،
ھەق مەيداندا تۇرالماي،ئازاب سالغاننى.
قىلىش ئۈچۈن ناشتىلىق،ئامال تاپقاننى،
ئۆتسە بىر كۈن خوش بولۇپ،ناخشا ئېيتقاننى.

ئەركەك بولساڭ چاقىرما،كېتىپ قالغاننى،
نىقاپ كىيىپ ئىزدىنىپ،يولغا چىققاننى.
كورەلماستىن ئېچىرقاپ،گەپنى تاپقاننى،
ئۇنتۇپ كەتكىن ئەي دوستۇم،سېنى ساتقاننى.