سېتىلسا ۋىجدان

ئابدۇسالام ئابدۇللا بۆرتېكىن

روھىڭغا ھۆكۈمدار بولسا ۋىجدانىڭ،
بېرىدۇ ھەممىگە ئۇ ئادىل ھۆكۈم.
ۋىجداننىڭ تارازا，سورىقى ئالدىدا ،
ھەممە تەڭ，نامەرتكە بولمايدۇ كۈيۈم.

سېتىلسا«بازار»دا غورۇر，ۋىجدانىڭ،
يەرمۇ ئۆز قوينىغا ئالماس تىنىڭنى.
بىر كۈنى قارغايدۇ ۋىجدانسىزلىقىڭ،
غورۇرنىڭ سىرتمىقى بۇغۇپ گىلىڭنى.

ۋىجدانى سېتىلغان تىنى كېرەكسىز،
ئوخشايدۇ مىسالى تىرىك جەسەتكە.
دېيىلسە بار يەنە ئۇنىڭ كېرىكى،
بەلكىم تەجىربىدە تىرىڭ ئەۋرىشكە.