شېئىرنى شېئىردەك يازالىدۇقمۇ ؟
**
ئالىمجان تۇرسۇن كىچىك نەزەر 📝
**
ھىكمەتنىڭ كانىنى ئاچقان بولساقمۇ ،
شۇ كاندىن ھەقىقەت قازالىدۇقمۇ ؟.
تۆت مىسرا بىر يەرگە ئەكەپ قويساقمۇ ،
شېئىرنى شېئىردەك يازالىدۇقمۇ ؟.
**
ھەممىسى يازىدۇ قاپىيە باغلاپ ،
ۋە ياكى مەزمۇننى مەھكەم قۇچاقلاپ .
بۇلارنى تاشلايدۇ بوغۇمنى ساقلاپ ،
شېئىرنى شېئىردەك يازالىدۇقمۇ ؟.
**
تاشقىنلاپ كىتىدۇ شېئىرى پۇراق ،
ھىسياتنى يىراققا قويىدۇ بىراق .
ئىملانى قىلىدۇ قولى يوق چولاق ،
شېئىرنى شېئىردەك يازالىدۇقمۇ ؟،
**
قويىدۇ ئىسمىنى شائىر - شائىرە ،
شېئىرغا سالىدۇ مەھكەملىك گىرە .
ۋە لىكىن يىلتىزى كۆرىنەر خىرە ،
شېئىرنى شېئىردەك يازالىدۇقمۇ ؟.
**
مۇھەببەت كۈيلىرى ھەددىدىن ئاشقان ،
نورماللىق قىلىپتىن زىيادە تاشقان .
شۇڭلاشقا نۇرغۇنى يولدىن ئاداشقان ،
شېئىرنى شېئىردەك يازالىدۇقمۇ ؟.
**
شېئىرنى ھاياتنىڭ يىرىمى قىلىپ ،
ئۇنىلا ئۈگىنىش ئىلىمى قىلىپ .
باشقىچە بىلىمنى يالغۇزسىرىتىپ ،
شېئىرنى شېئىردەك يازالىدۇقمۇ ؟.
**
بەزىدە قىز ئىزدەپ ئىلان چىقاردۇق ،
شېئىرنى ئىلاننىڭ مەركىزى قىلدۇق .
شۇندىمۇ ھىجىيىپ تازا ماختاندۇق ،
شېئىرنى شېئىردەك يازالىدۇقمۇ ؟.
**
شائىرلىق نام دىگەن ئەلنىڭ باھاسى ،
شۇندىلا شائىرنىڭ بولار ئاساسى .
بەزىمىز ئاساسسىز شائىر داۋاسى ،
شېئىرنى شېئىردەك يازالىدۇقمۇ ؟.
**
شىئىرلار قۇل بولۇر گاھى يالغانغا ،
گاھىدا جىدەلگە ئۆچنى ئالغانغا .
باغلانماي قالىدۇ گاھى ھەقدارغا ،
شېئىرنى شېئىردەك يازالىدۇقمۇ ؟.
**
ئوقۇيدۇ نۇرغۇنى ئاپىرىن ئىيتىپ ،
شائىرمۇ ئىخلاسنى ماختاشقا سىتىپ .
سۆزلەنگەن ئىللەتنى قەتتى تۈگىتىپ ،
شېئىرنى شېئىردەك يازالىدۇقمۇ ؟.
**
2016.8.19.كۈنى .
108 قېتىم كۆرۈلدى | ئالىمجان تۇرسۇن كىچىك نەزەر | ئەسەر يوللىغۇچى : | |
2016-9-20 13:24:02 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|