نورۇز بۇلاق

（ئابدۇراخمان ئابدۇللا

نازىڭ بىلەن ئاپئاق قارنى ئېرىتىپ،

پەشلىرىڭدە يىشىل رەڭنى يىتىلەپ.

سۆيگۈڭ بىلەن ئىشىك چىكىپ يۈرىسەن،

 شاھ-گاداينىڭ ئۆيلىرىدە پەتىلەپ.

 ئىسمىڭ بولۇپ ھاياتلىقنىڭ جارچىسى،

 تال-تېرەكنىڭ چاچلىرىدا يەلپۈنەر.

 لەۋلىرىڭدە رەسىدىدۇر نەرگىزلەر،

ئىشىق ئەھلى بىر سۆيۈشكە تەلپۈنەر.

 ئوۋلىدىڭ سەن بارچە ئەلنىڭ قەلبىنى،

 يۈرەك بىلەن لىق تولدۇرۇپ ئۆيۈڭنى.

 ئايلىنىشتىن توختاپ قالار يەرشارى،

 بىز ھويلاڭدا ئوينىغاندا تويۇڭنى.