تاڭ ئىشقى
( تەبىئەت لىرىكىسى )
تۇرسۇن ئىمىن شەيدائى
ئۇپۇقتىن بېشىنى كۆتۈرۈپ قۇياش ،
يايغاندا ئەتراپقا زەر يىپلىق رومال .
توي ئۈچۈن ياسانغان پەرىزات كەبى ،
تەبىئەت نازلىنىپ ئاچتى خۇش جامال .
تاغ- ئېدىر ھۆسنىدە نۇرلار جىلۋىسى ،
زوقلىنار يېڭى تاڭ پەيزىنى سۈرۈپ .
مەجنۇن تال چېچىنى تارار شوخ شامال ،
باراقسان باغلارنىڭ مەڭزىگە سۆيۈپ .
ۋادىلار نۇر بىلەن تۈزەر ھۆسنىنى ،
لالىرەڭ كەڭ ئۇپۇق ئۇنىڭ ئەينىگى .
تاۋلىنىپ ئوتقاشتەك مۇنبەت ئېتىزلار ،
كۆكسىدە لىغىلدار ئەتلەس كۆينىگى .
نۇر ئىچرە چاقنايدۇ -جۇلالىنىدۇ ،
گۈللەرنىڭ بەرگىدە تۆنىگەن شەبنەم .
نەغمىچى قۇشلار شاد چاڭ -چاڭ سايرايدۇ ،
گۈلگۈن تاڭ سېھرىدىن مەست بولۇپ شۇ دەم .
"مەرھابا تاڭ ئانا !" دەيدۇ قۇتلۇقلاپ ،
لەۋ يېقىپ پىچىرلاپ يېىشىل ياپراقلار .
قىلىدۇ تاڭ ئۈچۈن ئىشقىنى ئىزھار ،
شىۋىرلاپ تىنىمسىز چەشمە بۇلاقلار ...
ئاپتور :بورتالا شەھەرلىك رادىئو -تېلىۋېزىيە ئىستانسىسىدىن .
شىنجاڭ يازغۇچىلار جەمئىيىتىنڭ ئەزاسى
2017.3.17
626 قېتىم كۆرۈلدى | xeydayi | ئەسەر يوللىغۇچى : | |
2017-3-22 22:43:45 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|