تۇققانلا
 ئەكبەر ئەركىن

مېھىر بىلەن ئۆتەيلى قان قېرىنداش تۇققانلا،
مۇناسىۋەت سۇسلاشمىسۇن يوقلىشايلى تۇققانلا.

يالغۇز مېڭىپ ئاشالماسمىز ھايات دېگەن داۋاندىن،
ئويۇشقانغا خەتەر يوق ئۆم ئۆتەيلى تۇققانلا.

تارالساقمۇ ھەر يەرگە،ئۇ ئېىھتىياجى تۇرمۇشنىڭ،
كۆرشەيلى قەرەلىدە ئۇنتۇشمايلى تۇققانلا.

ھېيتلىشايلى بايرامدا ئۇلۇغ ئايەم كۈنلەر دە،
قېرىنداش بىز،قانداش بىز گەپ بولمىسۇن تۇققانلا.

بىر ئانىدىن تۇغۇلۇپ تەڭ چوڭ بولغان قېرىنداش،
مىراس ئالغاندا قان تۆكۈپ،ياتلاشمىسۇن تۇققانلا.

ئۆمۈر بەك قىسقا، بار ۋاقتىمىز غەنىيمەت،
ئۆلگەنىمىزدە پۇرسەت يوق، يوقلىشايلى تۇققانلا.

         2016/9/26