گۈزەل ئۇيقۇ

رەيھانگۈل ئېزىز ئىزچىل

بېشى ۋە ئاخىرىنى پەيدا قىلغۇچى ،
زامانى ئېنىق بولمىغان تىنىقلار ،
تۈنۈگۈنى بىلەن  ،
ھىچكىشىگە ئوقۇلدۇرماي ،
كۆڭۈلنىڭ ئارامىنى چاقىرماقتا .

شوخ كۆڭۈل شۇ پەيىتىدە  ،
شەپە بېرەر شەلپەرگە ،
بۇ تىل بارالماس  ،
ئەسكى تۇيغۇ مىنى ئەپ قاچ ،
پىنھانلىق قۇلۇمدىن تارتقىن تارىت ！

ھىرىس بولغان نىدالار ،
ئەۋرىشىم ھاياجان ،
سېغار ھەرقاچان .

شىۋىرلار ھەربىر غارىدا ،
ئاڭلانماس بىر تىلدىكى ئاشىقلىق ،
مەندە ئۆزلۈك قايىتمايدىغان مۇردىدەك بىراق .

تۈن مۇھەببەتنىڭ چېچىدىن بىر تال ئۆزۋېلىپ ،
كۆرۈنمەسلىكنى ئەپ كەلگەندە ،
گۈل بەرگى يامغۇردەك ياغار .

نارسىسنى ئۆلتۈرگەن رەشىكلىكتىكى ھۆرىلەردەك ،
بىچارە يانتاق ئاقلىقتىن ئاستا قاچار .

بىر يان غەم بىر يان ئىشىق ،
قايسسىسى بولسا بۇلىۋېردۇ ،
بىر يان ئەلەم بىر يان غېرىپلىق ،
قايسىسى بولسا بۇلىۋېرىدۇ ،
مەيلى ھەركەتتىدۇر نەپەس شۇندا .

مىھىرلىك تىلەكلەر ،
ئۈزەر سامادا ،
سۈتتەك تەبەسسۇمدا ،
ھەر بىر مەمنۇنىيەتتە .

ئەڭ ئاخىردا يۇلتۇزلار نۇرى ئاستىدا ،
بىر جۈپ ئويغاق كۆز ،
كۈلەر يىراقتا .