سىزگە بىرەي ئانا مېھرىنى (شېئىر) 

ماھىنۇر ئابدۇرھېم

مېھرى-شەپقەت سەيناسىدا بىز،
ئانا -بالا  بولۇشتۇق  قىزىم .
قۇرىمىدى  كۆزىڭىزدىن  ياش ،
يېشىڭىزنى سۈرتەي مەن ئۆزۈم .

بالدۇر تاشلاپ كېتىپتۇ  سىزنى ،
ھادىسىدە ،ئاتا-ئانىڭىز ،
كىچىك تۇرۇپ  بوپ قاپسىز يىتىم،
دىلنى  ئەزدى يۈرەك  سۆزىڭىز .

بولدى قىزىم يىغلىماڭ ئەمدى ،
سىزگە بىرەي ئانا  مىھرىنى .
قىسمەتلەردە ئۇچراشتۇق بۈگۈن،
ئاچاي سىزگە مەن  قۇچاغىمنى .

كۈلۈپ  بېقىڭ ماڭا  ئاي قىزىم ،
سىزگە  ئانا بولاي مەن بۈگۈن .
رىشتىمىزنى بىر يىپقا  باغلاي ،
باغاشلىدىم ،يىشىلسۇن  تۈگۈن .