بىر كۇنى

ئەكبەرجان ئىدرىس ئەرچىن

كۆزگە ئىلماي ياراتماي يۈرگەن ئاجىز بىراۋلار ،   

 شان-شەرەپ ھەم ئىناۋەت تىپىپ كىتەر بىركۈنى .

بۇرۇن ئىشەك مىنەلمەي يۈرگەن ئ‍اشۇ بىچارە ،    

كۆز ئالدىڭدا ئ‍ات مىنىپ چىپىپ كىتەر بىركۈنى.

   تۆت بەش تەڭگە پۇلۇڭدىن كۆرەڭلىمە ئۇنچىلىك ،

شۇ پۇلۇڭمۇ توزغاقتەك توزۇپ كىتەر بىركۈنى .

بۇرۇن بوزەك بولغانلار ئەمدىلىكتە باي بولۇپ ،

قۇلىقىڭنى چۆپ كەبى سوزۇپ كىتەر بىركۈنى .

گەر ئاداۋەت قالدۇرغان بولسا بىراۋ دىلىڭدا ،

 ساقلىمىغىن پاكپاكىز يۇيىۋەتكىن بىركۈنى .

ئەگەر قەلىب بىغىڭغا ئ‍ۈنسە بىركۈن شۇمبۇيا،

ئ‍ىككىلەنمەي كۈچەپلا يۇلىۋەتكىن بىر كۈنى .

ئۈچ كۈنلۈكلا ئ‍الەم بۇ ياشا دوستۇم قەدىرلەپ ،

ئەجەل ئ‍وقى ئالدىدا جان ئ‍ۈزىسەن بىركۈنى .

قايغۇ ئەلەم ئىلكىدە ياشاپ يۈرگەن بولساڭمۇ،

بەخىت قۇشى قونغاندا شاد كۈلىسەن بىركۈنى .

ھەسەت قىلىپ بىراۋغا توزاق قۇرما يولىغا ،

بەلكىم ئاشۇ توزاققا سەن چۈشەرسەن بىركۈنى .

 ئۆزگىلەرنىڭ ئەجرىگە قىلما زىنھار خىيانەت ،

قېلمىشىڭغا ئ‍اھ ئۇرۇپ توۋا دەيسەن بىركۈنى .

سىيلىساڭ گەر بىشىنى يىتىم ئاجىز يوقسۇلنىڭ ،

مىھنىتىڭنى ھەسسىلەپ قايتۇرىدۇ بىركۈنى .

دۇچار بولۇپ خەتەرگە كەلگەندە جان ھەلقۇمغا ،

سىنى گۆرنىڭ ئ‍اغزىدىن قايتۇرىدۇ بىركۈنى .