ياۋا گۈل

ئ‍اپتۇرى : تۇردىمۇھەممەت نىيازباقى ئ‍اقىل

سەن  تاغدا ئ‍ۆسكەن تەنھا ياۋا گۈل ،
يايلىقىمدا يۈگۈرگەن شاش تاي .
تىنىقىڭنى ئ‍ېپ كەلسە سەلكىن  ،
خىيالىمدا كۈلەر مىسكىن ئ‍اي .


ئ‍ولتۇرىدۇ يۇمران ئ‍ەتىرگۈل ،
كەينىمدىكى كونا ئ‍ۈستەلدە .
تارتىشىدۇ كۈزۈم قارىقى ،
تېڭىرقىغان ئ‍اچا ئ‍ۆتكەلدە .

كۆزلىرىمنى تارايدۇ خىيال ،
تۈن نىسپىدىن چىقسىمۇ چولپان .
تىلسىماتتىن بەرسەم بىشارەت ،
بىخەۋەردەك يۈرىيدۇ جانان .