مىنى سۆيگەن قىز
مەۋلان ئىلىجان

تاتلىق خىيال ئاچچىق ئۆتمۈشلەر،
پات-پات كۆككە قاراپ ئۆكسۈشلەر.
قەلبى چاك-چاك يۈرەگى زېدە،
قان-قىنىدا ھەسرەت ئۆركەشلەر.

بىر شادلىقنى تىلەيدۇ ھەرچاغ،
كۆڭلى ئاپئاق كەڭدۇر زىيادە.
بارلىغىنى بېرىپ ئاقىۋەت،
ئۆزى يالغۇز قالغان پىيادە.

ھىدى ئىپار  بويلىرى زىلۋا ،
جىسمى گۈلخان كۆيدۈرەر دىلنى،
ئايدىن گۈزەل كۈندىن مېھىرلىك.
سۆزى شەربەت ئىللىتار جاننى.

جۇدالىقتىن سۆكۈلگەن دىلى ،
سۇلغۇن چىراي كىرپىكلىرى نەم.
 ئويماق لېۋى مەھكەم جۈپلەنگەن،
چېچى چۇۋۇق كۆزلىرىدە غەم.

پىچىرلىغاچ بوغۇق ئاۋازدا.
ئولتۇراتتى ھالسىراپ ئەنسىز.
قىنى قەسەم قېنى سۆيگۈ دەپ،
نالە قىلىپ مىنى سۆيگەن قىز.