بۆلەك
 ( غەزەل )  
تۇرسۇن ئىمىن شەيدائى
(شىنجاڭ يازغۇچىلار جەمئىيىنىڭ ئەزاسى )

ھېچ كېرەكمەس ئۆزگە دىلبەر   سەن گۈزەل ياردىن بۆلەك ،
سۆيگۈسى جاننىڭ  ئ‍ارامى دىلغا ئ‍ەسراردىن بۆلەك .

غەيرى "پەرى "ئ‍ىز باسالماس چىن سۆيۈپ  مەيلىم ئ‍ۇتۇپ ،
سەن كەبى شېرىن -سۇخەن ، مەڭزى ئ‍اناردىن بۆلەك .

قارا يۈز بولمامدىمەن يار تاڭلا  "مەشۇق "ئ‍ىزدىسەم ،
سەن ۋاپادار  ،پاك پەزىلەت ،قەلبى باھاردىن بۆلەك .

بارچە ئ‍ىقلىمنى كېزىپ مەن ياخشى دىلكەش تاپمىدىم ،
سەندەك غەمخان -مېھرى ئوكيان  چىن ۋاپاداردىن بۆلەك  .

 دىلرابا جانىم  تەسەددۇق    بىر ئەمەس ،يۈزمىڭ قېتىم ،
پاك سۆيگۈمگە  قىبلىگاھ يوق سەن پىداكاردىن بۆلەك !

ئاپتۇر: بورتالا شەھەرلىك رادىيو -تېلېۋىزىيە ئىستانسىسىدىن